હવે સ્ટેચ્યુ ઓફ યુનિટી જતા પ્રવાસીઓને મળશે સ્થાનિક આદિવાસી મહિલાઓના હાથે બનેલું સ્વાદિષ્ઠ સ્થાનિક ભોજન

ગુજરાત(gujarat): સ્ટેચ્યુ ઓફ યુનિટી ઓથોરીટી દ્વારા એકતાનગર ખાતે એકતા મહિલા મંડળનાં સૌજન્યથી ફૂડ કાઉન્ટર શરૂ કરવાનો નિર્ણય કરવામાં આવ્યો છે. તે પ્રમાણે એકતાનગરના ત્રણ સ્થળોએ એકતા મહિલા મંડળના બહેનો દ્વારા રાહત દરે TAKE AWAY ફૂડ પેકેટ વિતરણ કરશે, આ સુવિધા શરૂ કરવામાં આવતા એકતાનગર સ્ટેચ્યુ ઓફ યુનિટી ખાતે આવનાર પ્રવાસીઓ લાભ લઇ શક્શે.

એકતાનગર ખાતે આવેલ એકતા ફૂડ કોર્ટ, શ્રેષ્ઠ ભારત ભવન હેલ્પડેસ્ક અને વેલી ઓફ ફ્લાવર-ભારત વન ખાતે આ સુવિધા ઉભી કરવામાં આવી છે અને આગામી સમયમાં પ્રવાસીઓ તરફથી યોગ્ય પ્રતિભાવ મળેથી વધુ કાઉન્ટર શરૂ કરવાની તૈયારી પણ કરવામાં આવી છે. 2 પ્રકારના TAKE AWAY ફૂડ પેકેટ આ કાઉન્ટર પર ઉપલબ્ધ રહેશે. જેમાં પૂરી/થેપલા, લાડુ/ચિક્કી,રાગી પાપડી,ફુલવડી,છાસ,અથાણું, લસણની ચટણી અને પાણીની બોટલનો સમાવેશ કરવામાં આવ્યો છે.