November 28, 2024
માર્ગ અકસ્માતની ઘટનામાં સતત વધારો થવા જઈ રહ્યો છે ત્યારે અનેક પરિવારના સ્વજનો મોતનો કોળીયો બની ચુક્યા છે ત્યારે આવી જ અન્ય એક ગંભીર માર્ગ અકસ્માતની ઘટના હાલમાં સામે આવી છે. રાજસ્થાનમાં વહેલી સવારમાં નાગૌરનાં શ્રીબાલાજી નજીક સર્જાયેલ ભયાનક દુર્ઘટનામાં મધ્યપ્રદેશના 11 લોકોના મોત થયા છે.
આની સાથે જ કુલ 7 લોકોની હાલત ખુબ ગંભીર હોવાનું સામે આવ્યું છે. નોખા બાયપાસ પર સ્ટોર્મટ્રૂપર જીપ તથા ટ્રેલરની વચ્ચે ભયાનક ટક્કર થઈ હતી. ત્યારબાદ હાઇવે પર લાંબો ટ્રાફિકજામ પણ સર્જાયો હતો. તમામ મૃતકો ઉજ્જૈન જિલ્લાના ઘાટિયા પોલીસ સ્ટેશનના સજ્જન ખેડા તેમજ દૌલતપુર ગામના રહેવાસી હોવાનું જાણવા મળ્યું છે. મૃતકોમાં 8 મહિલા તથા 3 પુરુષનો સમાવેશ થાય છે.
જીપ ઓવરલોડ હતી:
એવું કહેવામાં આવ્યું છે કે, 12 સીટર જીપ (ટૂન) માં કુલ 18 લોકો સવાર હતા. રામદેવરાની મુલાકાત લીધા પછી આ બધા લોકો દેશનોક કરણી માતાના દર્શન કરીને મધ્યપ્રદેશ પરત ફરી રહ્યા હતા. આ દરમિયાન નાગૌરથી નોખા તરફ જઈ રહેલ ટ્રેલર અથડાતા અકસ્માત સર્જાયો હતો.
Trending News
8 લોકોના ઘટનાસ્થળે જ મોત થયા, 3 લોકોના હોસ્પિટલ જતા માર્ગમાં થયા મોત:
સામેથી આવી રહેલ ટ્રેલરે જીપને ટક્કર મારી હતી. આ અકસ્માત એટલો ભયંકર હતો કે, 8 લોકોના તો ઘટનાસ્થળે જ મોત થયા હતા.આની સાથે જ હોસ્પિટલ લઈ જતા રસ્તામાં 3 લોકોના મોત થયા હતા. કેટલાક લોકોના મૃતદેહ જીપમાં જ ફસાયેલા રહ્યા હતા. અકસ્માત બાદ પોલીસ અને 108 એમ્બ્યુલન્સને જાણ કરીને સ્થાનિક લોકોની મદદથી મૃતદેહો બહાર કાઢવામાં આવ્યા હતા.
આની સાથે જ અન્ય એક ઘટનામાં થોડા દિવસ અગાઉ સાંજનાં સમયે જોધપુર-જેસલમેર રોડ પર એક માર્ગ અકસ્માતમાં 3 લોકોના મોત થયા હતા. આની સાથે જ અન્ય 6 લોકો ઘાયલ થયા હતા. કારમાં રહેલા લોકો દેવતાના દર્શન કરીને પરત ફરી રહ્યા હતા ત્યારે દરમિયાન તેમની કાર જોધપુર નજીકના દૂર અગોલાઈ ગામમાં સામેથી આવી રહેલ આર્મી ટ્રક સાથે અથડાઈ હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.