મોતની ચીચીયારીથી ગુંજી ઉઠયો લીંબડી-લખતર હાઈવે, બે સગા ભાઈઓ ઘરે નીકળ્યા તો ખરા પરંતુ ઘરે પહોચી બંનેની લાશ

ગુજરાતમાં દિવસેને દિવસે અકસ્માતની ઘટનામાં સતત વધારો થય રહ્યો છે. સુરેન્દ્રનગર જિલ્લાના લીંબડી-લખતર સ્ટેટ હાઈવે પર બે શ્રમજીવી ભાઈઓના મોત થયા છે. આ અકસ્માત બાઈક અને આઈસર વચ્ચે લીંબડી-લખતર હાઈવે પર શિયાણી ગામ નજીક થયો હતો. અકસ્માત થયા બાદ વાહનચાલક ભાગવાની કોશિશ કરતો હતો પણ પોલીસે પકડી લીધો હતો. ઘટનામાં અવસાન પામેલા બે ભાઈ રિક્ષાના સ્પેરપાર્ટ લેવા માટે લીંબડી આવી રહ્યા હતા.

લીંબડી રિક્ષાના સ્પેરપાર્ટ લેવા જઈ રહેલા બે ભાઈને રસ્તામાં જ યમરાજ બનીને આઇશર સામે આવ્યું અને ઘટના સ્થળે જ મૃત્યુ પામ્યા. આ બને ભાઈઓ ના નામ સુરેશભાઈ ભુપતભાઈ વાજા અને વાલજીભાઈ ભુપતભાઈ વાજા હતું. તેઓ લીંબડી તાલુકાના શિયાણી ગામે ભંગારનો ધંધો કરી રહ્યા હતા. સુરેશભાઈ અને વાલજીભાઈ છકડા રિક્ષાના સ્પેરપાર્ટ લેવા લીંબડી બાઈક લઈને આવી રહ્યા હતા.