November 24, 2024
કેનેડા(Canada)માં ચાર ગુજરાતીઓ -35 ડિગ્રી ઠંડીથી મૃત્યુ પામ્યા બાદ એજન્ટોના જૂથને વિદેશ મોકલવાનો વધુ એક વીડિયો વાયરલ(Viral videos) થયો હતો. જેના કારણે વિદેશ જતા લોકોમાં ખળભળાટ મચી ગયો છે. વાયરલ થઈ રહેલા વીડિયોમાં “પૈસૈ ઓકે કરો.. પૈસૈ ઓકે કરો” જેવા વાક્યો બોલાઈ રહ્યા છે અને સ્પષ્ટ છે કે તેમની સાથે અયોગ્ય વર્તન કરવામાં આવી રહ્યું છે. ત્રિશુલ ન્યુઝ આ વીડિયોની કોઇપણ પ્રકારની પૃષ્ટિ કરતું નથી. સીઆઈડી ક્રાઈમના સૂત્રોએ જણાવ્યું કે પોલીસ આ વીડિયોની તપાસ કરી રહી છે.
જુઓ વિદેશની ભૂમિ પર ગુજરાતીઓ કેવા હેરાન થઇ રહ્યા છે! તુર્કીમાં બે પરિવાર લાપતા- બર્બરતાનો વીડિયો થયો વાયરલ#trishulnews #ViralVideo #NewsUpdates #abroad pic.twitter.com/Sc0z3b3hck
— Trishul News (@TrishulNews) January 27, 2022
ઉત્તર ગુજરાતના બે પરિવાર તુર્કીમાં ફસાયા હોવાના સમાચાર:
અમેરિકા જવાના પ્રયાસમાં ઉત્તર ગુજરાતના બે પરિવાર તુર્કીમાં ફસાયા હોવાના અહેવાલો પણ સામે આવ્યા છે. પરિવાર પણ ગેરકાયદેસર રીતે ઉત્તર ગુજરાત છોડીને અમેરિકા ગયો હતો. જેમાં તેજસ પટેલ અને તેમના પત્ની અલ્કાબેન અને પુત્ર દિવ્યનો સમાવેશ થાય છે. બીજા પરિવારમાં સુરેશ પટેલ અને તેમની પત્ની શોભા અને પુત્રી ફોરમનો સમાવેશ થાય છે. આ પરિવારો પણ કોઈપણ ભોગે અમેરિકા પહોંચવાની અણી પર હતા. અને તેને તુર્કીના એજન્ટોએ બંધક બનાવ્યો હોવાનું કહેવાય છે.
Trending News
વિડિયોમાં દેખાઈ રહી છે એજન્ટોની ક્રુરતા:
તેની સાથે મારપીટ કરવામાં આવી હોવાનો વીડિયો પણ વાયરલ થયો છે. આ વીડિયોમાં એજન્ટોની ક્રુરતા દેખાઈ રહી છે. એ પણ સ્પષ્ટ છે કે બંધકોને માર મારનારાઓ તેમના પરિવારજનો પાસેથી પૈસાની માંગણી કરી રહ્યા છે. બીજી તરફ ગુમ થયેલા બંને પરિવારોના નજીકના સંબંધીઓએ પણ મદદ માટે ઈસ્તાંબુલ સ્થિત ભારતીય દૂતાવાસનો સંપર્ક કર્યો છે.
ઉત્તર ગુજરાતના 90 લોકોને ગેરકાયદેસર રીતે વિદેશ મોકલવામાં આવ્યા હતા:
સૂત્રોનું કહેવું છે કે ઉત્તર ગુજરાતમાંથી 90 મુસાફરોને ગેરકાયદેસર રીતે અમેરિકા મોકલવામાં કલોલ અને મહેસાણાના એજન્ટોએ મહત્વની ભૂમિકા ભજવી છે. કેટલાકને મેક્સિકોમાં, કેટલાકને તુર્કીમાં અને કેટલાકને કેનેડાની સરહદ પાર કરીને યુએસમાં લાવવામાં આવ્યા હતા. જો કે આ મામલે ગાંધીનગર સીઆઈડી ક્રાઈમે તપાસ શરૂ કરી છે અને કલોલ ડીંગુચાના પરિવારનું નિવેદન પણ લેવામાં આવ્યું છે.
અમેરિકા જવાના હેતુની તપાસ કરવામાં આવશે:
ગાંધીનગર પોલીસ અધિકારીના જણાવ્યા અનુસાર અપહરણ કરવામાં આવેલ લોકો બે પરિવારના છે. પરિવારમાં તેજસ પટેલ, તેની પત્ની અલકા અને પુત્ર દિવ્યનો સમાવેશ થાય છે. અન્ય પરિવારમાં સુરેશ પટેલ, તેમની પત્ની શોભા અને પુત્રી ફોરમનો સમાવેશ થાય છે. આ લોકો ડિસેમ્બરના છેલ્લા અઠવાડિયે અથવા જાન્યુઆરીના પહેલા સપ્તાહમાં તેમના ગામથી અમેરિકા ગયા હતા. પરંતુ તુર્કી પહોંચ્યા બાદ તેમનો કોઈ સંપર્ક થયો ન હતો.
પોલીસના જણાવ્યા અનુસાર, અપહરણ કરાયેલા પરિવારના સંબંધીઓએ ઈસ્તાંબુલમાં ભારતીય દૂતાવાસમાં ફરિયાદ નોંધાવી હતી. જેના આધારે તેઓને શોધી કાઢવામાં આવ્યા હતા. આ મામલે CIDની ટીમ પણ બનાવવામાં આવી છે. જે પ્રવાસની વિગતો રિ-ક્રિએટ કરશે. પોલીસ યુનાઇટેડ સ્ટેટ્સના પ્રવાસ પાછળના હેતુ અને તેઓ ઇસ્તંબુલ કેવી રીતે પહોંચ્યા તેની તપાસ કરશે. અધિકારીઓએ હજુ સુધી આ લોકોના નામ જાહેર કર્યા નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.