અઢી વર્ષની બાળકી પર ઘરના લોકો એજ લૂંટી ઈજ્જત…કોઈ માણસ પોતાની દીકરી સાથે આવું કેમ કરી શકે??

પિતાની માસી તેના ઓળખીતા આધેડને વડોદરાથી બોલાવતી

બાળકીના પિતા ઉપરાંત દાદા, બાળકીના પિતાની માસી અને તેનો પરિચિત, 6 મહિનાથી વધુ સમય સુધી બાળકીને પિંખી હતી. પિતાની માસીનો પરિચિત આધેડ વડોદરાથી નડિયાદ આવતો હતો. પરિવારના નામે આ હેવાનોએ બાળકીને યાતના સિવાય કાંઇ આપ્યું નથી.

દીકરી પરિવારજનોની હાજરીમાં સુરક્ષીત છે, સચવાઇ રહી છે, મોટી થઇ રહી છે, તેવું વિચારતી માતા પણ આ ઘટના બાદ આઘાતમાં છે.

દાદી પણ ક્રૂરતાની ભાગીદાર

આ દુષ્કૃત્યમાં દાદી પણ ભાગીદાર છે. બાળકી ઉપર 29 વર્ષનો પિતા તો દુષ્કર્મ આચરતો જ હતો, પરંતુ દાદા પણ દાદીની હાજરીમાં બાળકીને પિંખતા હતા. આ જઘન્ય કૃત્યના કારણે લોકોમાં ભારે આક્રોશ ફેલાઈ ગયો છે.

બાળકીને સારવાર લેવી પડી

6 મહિનાથી પિતા, દાદાના દુષ્કૃત્યનો ભોગ બનેલી અઢી વર્ષની બાળકીને શારીરિક તકલીફો પણ થઈ હતી. આથી તેને તબીબો પાસે સારવાર પણ લેવી પડી હતી.

બાળકી દોઢ વર્ષની હતી ત્યારે પણ દુષ્કર્મ આચરાયું હતું

બાળકી પરના બળાત્કાર કેસમાં માતાએ પતિ, સાસુ, સસરા, પતિની માસી અને તેના પરિચિતે 6 માસ પહેલાં પણ દુષ્કર્મ આચર્યું હોવાની ફરિયાદ આપી હતી. પોલીસે આઈપીસી 376, 377, 114, પોક્સો 4, 6, 9, 17 મુજબનો ગુનો નોંધ્યો હતો. આ સંદર્ભે બાળકીના પિતાના રિમાન્ડ મેળવી બાકીના સહ આરોપીને જેલ હવાલે કરવામાં આવ્યાં છે.