ઉકાઈ ડેમ ભયજનક સપાટીથી ૫ ફૂટ દુર, જાણો કેટલું પાણી છોડાઈ રહ્યું છે- જુઓ વિડીયો

દક્ષીણ ગુજરાત ની જીવાદોરી સમાન તાપી નદી પર આવેલ ઉકાઈ ડેમની સપાટી ઇન્ફ્લો વધતા વધી રહી છે. રુલ લેવલ જાળવી રાખવા સત્તાધીશો દ્વારા વધારે ઓછું પાણી છોડવામાં આવી રહ્યું છે. ઉલ્લેખનીય છે કે ઉકાઈ ડેમની ભયજનક સપાટી ૩૪૫ ફૂટ ની છે અને હાલમાં ડેમની સપાટી ૧૦ વાગ્યા સુધીમાં ૩૩૯.૯૭ ની નોંધાઈ છે. ડેમમાં પાણીની આવક ૧,૪૩,૮૦8 કયુસેકની છે જયારે પાણી ની જાવક ૧,૨૭,૯૧૬ કયુસેક ની છે.

સુરતમાં તાપી નદી પર બનાવવામાં આવેલો વિયર કમ કોઝવે પણ છેલ્લા ઘણા સમયથી ઓવરફલો થઈ રહ્યો છે, વિયર કમ કોઝવે ની ઓવરફલો થવાની સપાટી ૬ મિટર છે અને હાલની સપાટી ૮.૧ મીટર છે. તંત્ર દ્વારા સતત વોચ રાખવામાં આવી રહી છે અને પુરની કોઈ શક્યતાઓ રહેલી નથી જેથી અફવાઓથી સાવધાન રહેવા પણ સુચના આપવામાં આવી છે.