રાજકોટમાં યોજાયા અનોખા લગ્ન: સ્માશનમાં ઉતારો, વર અને વધૂ ફર્યા ઊંધા ફેરા; જાણો આ લગ્ન પાછળનું રહસ્યમય કારણ…

Rajkot Marriage: કોટડાસાંગાણી તાલુકાના રામોદ ગામમાં રામનવમીના રોજ અનોખા લગ્ન યોજાયા હતા. રામોદ ગામના વતની મનસુખ ગોવિંદભાઈ રાઠોડના પરિવારે સદીઓથી ચાલી આવતી માન્યતા-પરંપરાને કોરાણે રાખી વરરાજા સહિત જાનૈયા પરિવારને સ્મશાનમાં(Rajkot Marriage) ઉતારો આપી કુરિવાજોને તિલાંજલિ આપવા ઐતિહાસિક લગ્ન સમારોહ યોજ્યો હતો. આ લગ્નમાં કન્યા પક્ષના મોભીઓએ કાળા વેશ પરિધાનમાં જાનૈયાઓનું સ્વાગત કર્યું હતું. વિજ્ઞાન જાથાની વિચારધારા ને અનુલક્ષીને લગ્ન કર્યા હતા.

કન્યા પક્ષના મોભીઓએ કાળા કપડા પહેરી જાનનું સ્વાગત કર્યું
આમ તો લગ્ન હોય ત્યારે કન્યા પક્ષ દ્વારા વર પક્ષની આગતા સ્વાગતતા માટે અલાયદી વ્યવસ્થા કરાતો હોય છે. જોકે રાજકોટના રામોદમાં અનોખા લગ્ન યોજાયા હતા. સ્મશાનમાં વરરાજા તમેજ જાનૈયા સહિત પરિવારને ઉતારો અપાયો હતો. કન્યા પક્ષના મોભીઓએ કાળા કપડા પહેરી જાનનું સ્વાગત કર્યું હતું. જાને સ્મશાનમાં ટૂંકા સમયમાં રોકાણ બાદ લગ્ન મંડપ સુધી વરઘોડો કાઢ્યો હતો.

મુહૂર્ત કે ચોઘડિયા વગર ઉંધા ફેરા ફર્યા
રામોદ ગામની યુવતી પાયલ મનસુખભાઈ રાઠોડના લગ્ન જયેશ મુકેશભાઈ સરવૈયા સાથે થયા છે. આજે કમર કોરડા ગામથી જાનનું રામોદમાં આગમન થયું હતું. રામોદ આવેલી જાનને કોઇ વાડીમાં નહીં પરંતુ સ્મશાનમાં ઉતારો આપવામાં આવ્યો હતો. મુહૂર્ત કે ચોઘડિયા વગર ઉંધા ફેરા સાથે લગ્ન કરવામાં આવ્યા હતા.

કન્યા પક્ષ દ્વારા ભૂતપ્રેત બનીને કાળા વસ્ત્રો ધારણ કરવામાં આવ્યા હતા અને વરરાજાનું સ્વાગત કર્યું હતું. તેમજ વર-કન્યાએ સપ્તપદીના બદલે બંધારણના સોગંધ લીધા હતા. જૂની માન્યતાઓ અને અંઘશ્રદ્ધાને નાબૂદ કરવાનો એક અનોખો પ્રયાસ આ લગ્ન થકી કરવામાં આવ્યો હતો.