November 18, 2024
Ahemdabad Crime News: અમદાવાદમાં છેલ્લા એક સપ્તાહમાં હત્યા અને ચોરીના બનાવમાં રોકેટ ગતિએ વધારો થયો છે. અમદાવાદમાં કથળેલી કાયદો-વ્યવસ્થાની સ્થિતિને લઈ સામાન્ય લોકોમાં પણ ભયંકર રોષ છે. સામાન્ય બોલાચાલીમાં પણ લોકોની હત્યા કરવામાં આવી રહી છે.ત્યારે કાગડાપીઠ વિસ્તારમાં તલવારના ઘા મારીને એક વ્યક્તિની હત્યાની ચકચારી ઘટના સામે આવી છે. અમદાવાદના કાગડાપીઠ વિસ્તારમાં જયંત પંડિતનગર પાસે યુવકને તલવારના ઘા ઝીંકી હત્યા નીપજાવી હતી. હત્યાની ઘટનાને અંજામ આપ્યા બાદ ત્રણ લોકો ફરાર થઇ ગયા હતા. આ મામલે કાગડાપીઠ પોલીસે 2 કિશોરને રાઉન્ડઅપ કર્યા છે.
કાગડાપીઠ પોલીસે 2 કિશોરને રાઉન્ડઅપ કર્યા
મળતી માહિતી અનુસાર, અમદાવાદના કાગડાપીઠ વિસ્તારમાં જયંત પંડિતનગર પાસે યુવકને તલવારના ઘા ઝીંકી હત્યા નીપજાવી હતી. હત્યાની ઘટનાને અંજામ આપ્યા બાદ ત્રણ લોકો ફરાર થઇ ગયા હતા. આ મામલે કાગડાપીઠ પોલીસે 2 કિશોરને રાઉન્ડઅપ કર્યા છે. મૃતક નાનકો ઠાકોર અને આરોપી વચ્ચે અંગત અદાવત અને રૂપિયાની લેતીદેતી મામલે માથાકુટ ચાલતી હોવાનું પ્રાથમિક તપાસમાં સામે આવ્યું છે. જો કે, પોલીસે હત્યાનો ગુનો નોંધીને વધુ તપાસ હાથ ધરી છે.
દારૂના સ્ટેન્ડ બાબતે થઇ હત્યા
અમદાવાદના કાગડાપીઠ પોલીસ સ્ટેશન વિસ્તારમાં દારૂના અનેક સ્ટેન્ડ ચાલે છે. જેના કારણે આ અંગે પોલીસને ફરિયાદ કરવામાં આવી હતી. જો કે પોલીસે કાર્યવાહી તો કરી નહીં પરંતુ અલ્પેશ ઠાકોર નામના આ યુવાને પોતાનો જીવ ગુમાવવો પડ્યો હતો. સૌથી ચોંકાવનારી બાબત છે કે, દારૂના સ્ટેન્ડ અંગે બાતમી આપનાર અલ્પેશ ઠાકોર છે તેવી માહિતી બુટલેગરને ક્યાંથી મળી. શું પોલીસ દ્વારા જ પોતાના મળતીયાઓને આ અંગે માહિતી અપાઇ હતી.
Trending News
બાતમી આપનાર વ્યક્તિની બુટલેગરે જ કરી હત્યા
જો કે બાતમીના આધારે દારુ પકડાઇ જતા ગુસ્સે ભરાયેલા બુટલેગર બિલ્લાએ આ હત્યા કરી હતી. નાનકો ઠાકોર અને અલ્પેશ ઠાકોર નામના વ્યક્તિ પર ક્રૂરતા પુર્વક ઘાતકી હુમલો કર્યો હતો. પોલીસ સ્ટેશનથી ગણત્રીની મિનિટોના અંતરે સમગ્ર ઘટના બની હતી. જો કે હત્યારા એટલા બેખોફ હતા કે હત્યા કર્યા બાદ પણ તેઓ અટક્યા નહોતા. અલ્પેશ ઠાકોરના વાહનમાં તોડફોડ ચાલુ કરી દીધી હતી. સેંકડો લોકો ઘટના સ્થળે હાજર હતા. પોલીસ પણ હાજર હતી તેમ છતા તેઓએ હુમલો ચાલુ રાખ્યો હતો.
નહેરુનગર ફાયરિંગમાં હત્યા
નહેરૂનગર સર્કલ- ધરણીધર રોડ પર શનિવારે મોડી સાંજે બાઇક પર આવેલા બે શખ્સોએ શાકભાજીના વેપારી પર ફાયરીંગ કરી હત્યા કરી હતી. બોરાણા વેજીટેબલ માર્કેટમાં મહાલક્ષ્મી ફ્રૂટ-શાકભાજીની દુકાનના વેપારી બદાજી મોદી પર એક્ટિવા પર આવેલા અજાણ્યા શખસે એક રાઉન્ડ ફાયરિંગ કર્યું હતું. આ ઘટનામાં ઈજાગ્રસ્ત વેપારીને સારવાર અર્થે હોસ્પિટલમાં ખસેડયા હતા. પરંતુ સારવાર દરમિયાન મોત નિપજ્યુ હતું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App