November 28, 2024
ઉત્તરાખંડ(Uttarakhand)ના ચંપાવત(Champawat)માં એક મોટો અકસ્માત(Accident) સામે આવ્યો છે. ચંપાવત જિલ્લાના ડાંડા(Danda) વિસ્તારમાં સોમવારે રાત્રે લગ્નમાંથી પરત ફરી રહેલું એક વાહન ખાડીમાં પડી ગયું હતું, જેમાં 14 જાનૈયાઓના મોત થયા હતા. ચંપાવતથી લગભગ 65 કિલોમીટર દૂર આ સ્થળે એક પરિવારમાં લગ્ન હતા.
અકસ્માતની માહિતી મળતા જ પોલીસ અને બચાવ ટીમ ઘટના સ્થળે પહોંચી ગઈ હતી. ખાઈમાંથી 14 મૃતદેહો બહાર કાઢવામાં આવ્યા છે. અકસ્માતમાં ગંભીર રીતે ઘાયલ બે લોકોને સારવાર માટે જિલ્લા હોસ્પિટલમાં લાવવામાં આવ્યા છે. ટનકપુર-ચંપાવત હાઈવે સાથે જોડાયેલા સુખીધાંગ-દંડામિનાર રોડ પર વાહન અકસ્માતમાં 16માંથી 14 લોકોના મોત થયા હતા.
Trending News
પોલીસ કેસની તપાસમાં જોતરાઈ:
ગંભીર રીતે ઘાયલ ડ્રાઇવર અને અન્ય વ્યક્તિને સારવાર માટે જિલ્લા હોસ્પિટલમાં લાવવામાં આવ્યા છે. પ્રાપ્ત માહિતી અનુસાર, વાહનમાં સવાર તમામ લોકો ટનકપુરની પંચમુખી ધર્મશાળામાં યોજાયેલા લગ્નમાં હાજરી આપીને ઘરે પરત ફરી રહ્યા હતા. જણાવવામાં આવી રહ્યું છે કે ગત રાત્રે લગભગ 3.20 વાગે વાહન બેકાબૂ થઈને ઉંડી ખીણમાં પડી ગયું હતું.
દરેક લોકો કાકનાઈ નિવાસી લક્ષ્મણ સિંહના પુત્ર મનોજ સિંહના લગ્નમાં હાજરી આપવા ગયા હતા. મૃતકોમાં મોટાભાગના લક્ષ્મણ સિંહના સંબંધીઓ હોવાનું કહેવાય છે. ડ્રાઈવરની હાલત વધુ ગંભીર છે. મૃતકો કાકનાઈના ડાંડા અને કાથોટી ગામના વતની હતા. અકસ્માતનું કારણ હજુ સુધી જાણી શકાયું નથી, પરંતુ અકસ્માત ઓવર-સવારી ક્ષમતાને કારણે થયો હોવાનું માનવામાં આવે છે. જોકે પોલીસ આ મામલે તપાસ કરી રહી છે.
સુખીડંગ-ડાંડા-મિનાર રોડ પર અકસ્માતમાં 11ના મોત:
લક્ષ્મણ સિંહ 61 પુત્ર ધ્યાન સિંહ, કેદાર સિંહ 62 પુત્ર દાન સિંહ, ઈશ્વર સિંહ 40 પુત્ર ફતેહ સિંહ, ઉમેદ સિંહ 48 પુત્ર ગણેશ સિંહ, હયાત સિંહ 37 પુત્ર દિવાન સિંહ, પુષ્પા દેવી 50 પત્ની શેર સિંહ (તમામ કાકનાઈ ગામ) પુની દેવી 55 પત્ની નારાયણ સિંહ, ભગવતી દેવી 45 પત્ની હોશિયાર સિંહ (બંને હલ્દવાની), બસંતી દેવી 35 (ચંપાવત), શ્યામ લાલ 50 પુત્ર દાની રામ અને વિજય લાલ 48 પુત્ર ઇશ્વરી રામ (બંને ડાંડા).
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.