November 16, 2024
સુઝુકી મોટરસાઇકલ ઇન્ડિયાએ શુક્રવારે તેના નવા સ્પોર્ટી સુઝુકી એવેનિસ સ્કૂટરની (Suzuki Avenis scooter) સ્ટાન્ડર્ડ એડિશન લોન્ચ કરી છે. નવી ટ્રીમની કિંમત ₹86,500 રાખવામાં આવી છે જે અગાઉના બેઝ ટ્રિમ કરતાં ₹200 સસ્તી છે.
સુઝુકીએ અગાઉ રાઈડ કનેક્ટ એડિશન અને એવેનિસની રેસ એડિશન લોન્ચ કરવાની જાહેરાત કરી હતી. સુઝુકીએ કહ્યું કે, તેના લોન્ચિંગના માત્ર ત્રણ મહિનામાં જ Avenisને ગ્રાહકો તરફથી સારો પ્રતિસાદ મળ્યો છે. જોકે, કંપનીએ એ નથી જણાવ્યું કે, અત્યાર સુધીમાં કેટલા યુનિટ્સ વેચાયા છે.
Avenisને FI ટેક્નોલોજી સાથેનું 125cc એન્જિન મળે છે, જે 6,750rpm પર 8.7 PSની મહત્તમ શક્તિ અને 5,500rpm પર 10Nm ટોર્ક જનરેટ કરે છે. સ્કૂટરનું વજન માત્ર 106 કિગ્રા છે જે તેને સેગમેન્ટમાં સૌથી હળવા સ્કૂટરમાંથી એક બનાવે છે.
Trending News
સ્કૂટરની ખાસિયતો વિશે વાત કરીએ તો તેમાં હેડલેમ્પની સાથે સાથે ટેલ લેમ્પમાં LED લાઇટિંગ મળે છે. આ સિવાય તેમાં પણ બાઈકની જેમ ઈન્ડિકેટર ઉપલબ્ધ છે. સુઝુકીએ સ્કૂટરને ફ્લ્યુ ભરવાની સરળતા માટે બાહ્ય હિંગ-પ્રકારની ફ્લ્યુ કેપ પણ પ્રદાન કરી છે અને અન્ય વિશેષતાઓમાં મોટી બેઠકની નીચે જગ્યાનો સમાવેશ થાય છે.
સુઝુકી મોટરસાઇકલ ઇન્ડિયાના મેનેજિંગ ડિરેક્ટર સતોશી ઉચિડાએ જણાવ્યું હતું કે, “અમે ભારતીય બજારમાં એવેનિસને મળેલા પ્રતિસાદ માટે અમારા ગ્રાહકોના આભારી છીએ. આ સ્કૂટરને વિશ્વસનીય એન્જિન અને અદ્યતન સ્પોર્ટી ડિઝાઇન સાથે લોન્ચ કરવામાં આવ્યું હતું. Avenisને ગ્રાહકો તરફથી ઉત્તમ પ્રતિસાદ મળ્યો છે. આજે Avenis સુઝુકીની સૌથી વધુ વેચાતી પ્રોડક્ટ્સમાંની એક બની ગઈ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.