November 28, 2024
વડોદરા(ગુજરાત): આજે સવારે વડોદરા(Vadodara) તરસાલી(Tarsali)માં થયેલી ક્રૂર હત્યાના 16 કલાકમાં જ પોલીસને મોટી સફળતા પ્રાપ્ત થઇ હોવાના સમાચાર સામે આવ્યા છે. વડોદરા ક્રાઇમ બ્રાંચ(Crime Branch) દ્વારા એક આરોપીની ધરપકડ કરવામાં આવી છે. તરસાલી બાયપાસ નજીક ધનિયાવી રોડ(Dhaniyavi Road) પર 19 વર્ષની તૃષાબેન સોલંકી(Trishaben Solanki)નો જમણો હાથ કપાયેલી હાલતમાં મૃતદેહ મળી આવ્યો છે. તૃષા વડોદરામાં માણેજા વિસ્તારમાં પોતાના મામાના ઘરે રહીને કોમ્પિટિટીવ(Competitive) પરીક્ષાની તૈયારીઓ કરી રહી હોવાનું જાણવા મળ્યું છે.
મળતી માહિતી મુજબ, કલ્પેશ ઠાકોર નામના યુવાન દ્વારા તૃષાની હત્યા કરવામાં આવી છે. આ ઘાતકી હત્યામાં પ્રમપ્રકરણ હોવાનું સામે આવ્યું છે. યુવતીને અન્ય યુવાન સાથે સંબંધ હોવાથી કલ્પેશ ઠાકોર નામના યુવાને યુવતીની હત્યા કરી છે.
Trending News
આ અંગે એડિશનલ સીપી ચિરાગ કોરડિયાએ માહિતી આપતાં જણાવ્યું હતું કે, આરોપી કલ્પેશ ઠાકોર, મૃતક તૃષા સોલંકી તેમજ અન્ય બે મિત્રોનું ગ્રુપ હતું. જેમાં કલ્પેશ તૃષાને એકતરફી પ્રેમ કરતો હતો. પરંતુ, તૃષા તેને પસંદ કરતી નહોતી. જેથી તેને ગઇકાલે સાંજે તૃષાને બોલાવી હતી અને પાળિયા વડે ઘાતકી હત્યા નીપજાવી હતી.
તેમણે વધુમાં જણાવ્યું કે, એકતરફી પ્રેમમાં કલ્પેશ ઠાકોરે અગાઉ ગોળીઓ ખાઇને આપઘાત કરવાનો પ્રયાસ પણ કર્યો હતો અને વિદ્યાર્થિનીને ઇમોશનલ બ્લેકમેઇલ પણ કરતો હતો. મળતી માહિતી મુજબ, આ બંને વચ્ચે 3 વર્ષ પહેલાં મિત્રતા હતી. બાદમાં બંને વચ્ચે બ્રેકઅપ થઇ ગયું હતું.
ત્યારબાદ તે ગોધરા ખાતે ભણવા માટે જતી રહી હતી અને વડોદરા પરત ફરી હતી. આ દરમિયાન, તે બીજા છોકરા સાથે વાત કરતી હતી પરંતુ કલ્પેશ સાથે વાત કરતી નહોતી. કલ્પેશે મળવા નહીં આવે તો આત્મહત્યા કરવાની ધમકી આપી હતી જેથી યુવતી તેને મળવા પણ ગઇ હતી. એ સમયે આવેશમાં આવીને તેણે હત્યા નીપજાવી હતી.
જાણવા મળ્યું છે કે, મૃતક યુવતીના મોઢા અને ગાલ પર પણ તિક્ષ્ણ હથિયારથી ઇજા પહોંચાડી હોવાના નિશાન પણ મળી આવ્યા છે. બનાવની જાણ થતા જ તાત્કાલિક મકરપુરા પોલીસ સહિતની અન્ય ટીમ ઘટનાસ્થળે આવી પહોંચી હતી. યુવતી મૂળ પંચમહાલના સામલી ગામની રહેવાસી હતી.
યુવતીનું ટુ વ્હીલર હાઇવે પર પાર્ક કરેલું હતું. જયારે તેનો મૃતદેહ ત્યાંથી દૂર ઝાડીઓમાંથી મળી આવ્યો હતો. મકરપુરા પોલીસ દ્વારા અજાણ્યા શખ્સો વિરુદ્ધ હત્યાનો ગુનો દાખલ કરીને તપાસ હાથ ધરવામાં આવી છે. એક સ્થાનિકના જણાવ્યા અનુસાર, રાતના 8 વાગ્યાના આસપાસ તેમને કોઇની ચીસ સંભળાઈ હતી. હાઈવે નજીક લાઈટ ન હતી તેથી તેઓ દૂર સુધી ગયા હતા. જ્યાં એક યુવતી નીચે પડેલી હતી, તેનો એક હાથ પણ કપાયેલો હતો.
ઘટના અંગે યુવતીના મામા સજ્જનસિંહના જણાવ્યા અનુસાર, તૃષા અમારા પરિવારમાં એકની એક દીકરી હતી. કોચિંગ માટે તે અલકાપુરી જતી હતી. સાંજે જે સમયે ઘરે પરત ફરતી હતી તે સમયે પરત આવી નહોતી અને બાદમાં તેની હત્યાની જાણ થઇ હોવાનું સામે આવ્યુ હતું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.