પાકિસ્તાનમાં હિંદુ યુવતી સાથે હેવાનિયત- સામુહિક દુષ્કર્મ આચરી આંખો પણ કાઢી લીધી

પાકિસ્તાન (Pakistan)માં લઘુમતીઓ પર સતત હુમલાના અહેવાલો છે. ત્યારે આ વખતે અહીં 8 વર્ષની એક હિન્દુ છોકરી ક્રૂરતાનો શિકાર બની છે. સિંધ પ્રાંતમાં આ માસૂમ હિંદુ બાળકી સાથે સામુહિક દુષ્કર્મનો મામલો સામે આવ્યો છે. આરોપીએ બાળકી સાથે ક્રૂરતાની તમામ હદ વટાવી દીધી અને તેની સાથે દુષ્કર્મ આચર્યા બાદ તેની આંખો કાઢી લીધી હતી. હાલ આ બાળકી હૈદરાબાદની સરકારી હોસ્પિટલમાં એક બાળકી જીવન-મરણ વચ્ચે ઝૂલી રહી છે.

પીડિત યુવતી ભીલ સમુદાયની હોવાનું કહેવાય છે અને તેને 28 ઓગસ્ટના રોજ આરોપીઓ ઉપાડી ગયા હતા. બદમાશોએ યુવતીના ચહેરા પર પણ ખરાબ રીતે ઉઝરડા કર્યા છે. આ ઘટના ત્યારે સામે આવી, જ્યારે એક હિન્દુ માનવાધિકાર કાર્યકર્તાએ સોશિયલ મીડિયા પર યુવતીનો વીડિયો શેર કર્યો. આ વીડિયોમાં જોવા મળી રહ્યું છે કે, પીડિત યુવતી સ્ટ્રેચર પર છે અને તેના માતા-પિતા પણ તેની સાથે છે.

પાકિસ્તાનના સિંધ પ્રાંતના ઉમરકોટ શહેરની ઘટના:
મળતી માહિતી અનુસાર, આ મામલો પાકિસ્તાનના સિંધ પ્રાંતના ઉમરકોટ શહેરનો છે. યુવતી પર એટલી હદે અત્યાચાર ગુજારવામાં આવ્યો હતો કે તેના પ્રાઈવેટ પાર્ટમાંથી સતત લોહી વહી રહ્યું હતું. અતિશય રક્તસ્ત્રાવને કારણે બાળકીની હાલત નાજુક છે અને ડોકટરોએ તેને બીઆઈડીએસ હોસ્પિટલમાં રીફર કરી છે.

કેવી રીતે ઘટના બની:
આ ઘટના અંગે પીડિતાની માતાએ જણાવ્યું છે કે, બાળકી એક સ્થાનિક દુકાનમાં ગઈ હતી, પરંતુ લાંબા સમય સુધી પાછી ન આવી. આ પછી યુવતી સાથે બનેલી આ ઘટનાની માહિતી મળી હતી. આરોપીએ યુવતીને મૃત સમજીને છોડી દીધી હતી. હજુ સુધી આ કેસમાં કોઈની ધરપકડ કરવામાં આવી નથી.