મોબાઈલે લીધો ધો 11માં ભણતી દીકરીનો જીવ, ધોરણ 10 માં 92 ટકા આવ્યા પણ જ્યારથી મોબાઈલ આવ્યો ત્યારથી…

પિતા નહોતા જાણતા કે તેની એક ભૂલ તેની જ દીકરીનો જીવ લઇ લેશે. પિતાએ પુત્રી પાસેથી મોબાઈલ પરત લઈ લેતા તેણીએ આપઘાત કરી લીધો હતો. યુવતી 11મા ધોરણમાં અભ્યાસ કરતી હતી. પિતાએ જયારે મોબાઈલ પાછો લીધો, ત્યારે તે ડિપ્રેશનમાં આવી ગઈ હતી.

કોતરાના પ્રગતિ નગરમાં રહેતા મેડિકલ રિપ્રેઝન્ટેટિવ રાહુલ શર્માની 16 વર્ષની દીકરી પારુલ શર્માએ શુક્રવારે સવારે 1 વાગ્યે દોરડા વડે ફાંસો ખાઈને આપઘાત કરી લીધો હતો. કાકાએ જણાવ્યું કે, પારુલના પિતા તેમના કામ માટે ભીલવાડા ગયા હતા. મોડી રાત્રે પરત આવવાના હતા. પરિવારના સભ્યો તેની રાહ જોઈ રહ્યા હતા. દીકરી પારુલ નીચે તેના રૂમમાં હતી. માતા પાર્વતી અને નાનો ભાઈ મુકુલ ઉપરના રૂમમાં હતા.

પિતા ઘરે પહોંચ્યા તો તેમણે દીકરીના રૂમનો દરવાજો ખખડાવ્યો. લાંબા સમય સુધી દરવાજો ન ખૂલતાં તે દરવાજો તોડી રૂમમાં પ્રવેશ્યા હતા. પિતાએ જોયું કે, પુત્રી ફાંસી પર લટકતી હતી. પરિવારના સભ્યો બાળકીને નીચે ઉતારીને હોસ્પિટલમાં લઈ ગયા. જ્યાં ડોકટરે મૃત જાહેર કરી હતી.

શનિવારે સવારે પોલીસ શબઘર પહોંચી. પરિવારજનો પાસેથી ઘટના અંગે માહિતી મેળવી હતી. ASI રાજેન્દ્ર પ્રસાદે જણાવ્યું કે, યુવતી પાસેથી કોઈ સુસાઈડ નોટ મળી નથી. પોસ્ટમોર્ટમ બાદ મૃતદેહ પરિવારજનોને સોંપવામાં આવ્યો છે. મૃતકના પિતાના કહેવા મુજબ મોબાઈલ પુત્રી પાસેથી લઈ લેવામાં આવ્યો હતો. મોબાઈલ પરત ન મળવાના કારણે હતાશામાં આવીને આપઘાત કર્યો હશે. જોકે આ મામલે તપાસ ચાલી રહી છે.