ખોફનાક અકસ્માતનો વિડીયો કેમેરામાં થયો કેદ- બેફામ નબીરાએ 5 યુવતીઓ પર ચડાવી દીધી કાર, એકનું મોત

Watch Video Speeding Car Crushes 5 Girls in Mangaluru: કર્ણાટકના મેંગ્લોર શહેરનો એક હ્રદયસ્પર્શી વિડીયો સોશિયલ મીડિયા પર ઝડપથી વાયરલ થઈ રહ્યો છે. વીડિયો અકસ્માતનો છે. ફુટપાથ પર ચાલી રહેલી પાંચ યુવતીઓને પુરપાટ ઝડપે આવતી કારે કચડી નાખી હતી અને ચાલક કાર લઈને ભાગી ગયો હતો. અકસ્માતમાં એક બાળકીનું મોત થયું છે. બાકીના લોકોને હોસ્પિટલમાં દાખલ કરવામાં આવ્યા છે. પોલીસે આ મામલે ગુનો નોંધી તપાસ શરૂ કરી છે.

છોકરીઓ ફૂટપાથ પર ચાલી રહી હતી
મળતી માહિતી અનુસાર, આ ઘટના બુધવારે સાંજે 4 વાગ્યે લેડીહિલ વિસ્તાર પાસે બની હતી. મેંગ્લોર સિટી કોર્પોરેશન સ્વિમિંગ પૂલ પાસે લગભગ પાંચ છોકરીઓ ફૂટપાથ પર ચાલી રહી હતી. દરમિયાન પાછળથી આવતા એક ઝડપી વાહને પાંચેયને કચડી નાખી હતી. આ પછી આરોપી ડ્રાઈવર કાર લઈને ફરાર થઈ ગયો હતો. આ સમગ્ર અકસ્માત સ્થળ પાસે લાગેલા CCTV કેમેરામાં કેદ થઈ ગયો છે.

Horrific #Accident in #Mangaluru A woman was killed and 4 students injured after speeding car gets on the pavement & runs over them. Reckless driver escapes & later surrenders before the police. #cctv pic.twitter.com/HIWsU66INS

— Priyathosh Agnihamsa (@priyathosh6447) October 18, 2023

સોશિયલ મીડિયા પર પોસ્ટ કરવામાં આવેલા વીડિયોમાં જોઈ શકાય છે કે કાર સાથે અથડાયા બાદ યુવતીઓ રસ્તા પર વિખેરાઈ ગઈ હતી. અકસ્માત બાદ સ્થળ પર અફડાતફડી મચી ગઈ હતી. આસપાસના લોકોએ મહિલાઓની મદદ કરી. અકસ્માતમાં મૃત્યુ પામેલી યુવતીની ઓળખ રૂપાશ્રી (23) તરીકે થઈ હોવાનું જાણવા મળે છે. જ્યારે ચાર ઘાયલ પૈકી ત્રણ સગીર છે. આ ઘાયલોને હોસ્પિટલમાં દાખલ કરવામાં આવી છે. બીજી તરફ પોલીસ તપાસ દરમિયાન આરોપી કાર ચાલકની ઓળખ કમલેશ બલદેવ તરીકે થઈ છે.