સારું થયું, ક્રિકેટ સ્ટેડિયમ પરથી સરદારનું નામ હટી ગયું: જાણો શા માટે સોશિયલ મીડિયામાં આ વાત થઈ વાઇરલ

ઈન્ટરનેટની આ દુનિયામાં સોશિયલ મીડિયા(Social media) પર અવારનવાર અનેક વિડીયો કે પોસ્ટ વાયરલ(Viral Post) થતી રહેતી હોય છે. ત્યારે હાલમાં જ એક એવી વાતને લઈને પોસ્ટ વાયરલ થઇ છે, જે વાંચીને તમે પણ કહેશો કે સારું થયું ક્રિકેટ સ્ટેડિયમ(Cricket Stadium) પરથી સરદાર(Sardar Patel)નું નામ હટી ગયું. તો ચાલો જાણીએ સોશિયલ મીડિયા પ્લેટફોર્મ ફેસબુક(Facebook) પર થઇ રહેલી આ વાયરલ વાત શું છે…

ફેસબુક પર વાયરલ થઇ રહેલી આ પોસ્ટમાં લખવામાં આવ્યું છે કે, ‘મને આનંદ છે કે આવા સ્ટેડિયમ પરથી સરદારનું નામ હટી ગયું!’ એક ફેસબૂક મિત્રએ, આજે મને કહ્યું : “સારું થયું, ક્રિકેટ સ્ટેડિયમ પરથી સરદારનું નામ હટાવી દીધું!” મેં પૂછ્યું : “આવું કેમ કહો છો?” મિત્ર કહે : ક્રિકેટ સ્ટેડિયમ પર સરદારનું નામ હોત તો મને આઘાત લાગી જાત! વડાપ્રધાનનું નામ જ ત્યાં હોય તો સાર્થક લાગે!

9 એપ્રિલે સ્ટેડિયમમાં ગુજરાત ટાઇટન અને કોલકાતા નાઈટ રાઇડર વચ્ચે મેચ જોઈ. સ્ટેડિયમમાં બેફામ ઠગાઈ/ લૂંટ ચાલતી હતી! કાયદાનું છડેચોક વસ્ત્રાહરણ જોવા મળ્યું. ખાવાપીવાની વસ્તુ છાપેલ કિંમત કરતાં 10 ગણા ભાવે વેચાતી હતી! એક ગ્લાસ પાણી, કાઉન્ટર પર 20 રૂપિયામાં મળતો હતો.

સ્ટેન્ડ પર વેચવા આવે તો એ જ ગ્લાસ 30 રૂપિયા ચૂકવીને પાણી પીવાનું! તમે બિસલરી બોટલ ખરીદી ન શકો કે સાથે રાખી ન શકો. જેની છાપેલી કિંમત 10 રુપિયા હતી તે વેફરનું પેકેટ 60 થી 80 રુપિયાનું હતું! ઘેરથી માત્ર મોબાઈલ અને છુટ્ટા રૂપિયા લઈને સ્ટેડિયમમાં જવા દે. તેમાં પણ સિક્કા હોય તો બહાર કાઉન્ટર પર કાઢી લે!
સૌથી દુ:ખની બાબત એ હતી કે સ્ટેડિયમમાં નફરતના પહાડ જેવડા મોજાં સતત ઉછળતા હતા!