ઓટોરિક્ષા અને બસ વચ્ચે સર્જાયો ગમખ્વાર અકસ્માત, 8 મહિલાઓ સહિત 9 લોકોના દર્દનાક મોત- ‘ઓમ શાંતિ’

પશ્ચિમ બંગાળ(West Bengal)ના બીરભૂમ(Birbhum) જિલ્લામાં મંગળવારે બસ અને ઓટોરિક્ષા વચ્ચે જોરદાર ટક્કરમાં નવ લોકોના મોત થયા હતા. આ અકસ્માત(Accident) નેશનલ હાઈવે-60 પર થયો જ્યારે ઓટોરિક્ષા અને રાજ્ય પરિવહન બસ વચ્ચે ટક્કર થઈ હતી. આ અકસ્માતમાં આઠ મહિલા મજૂરો સહિત 9 લોકોના મોત થયા હતા. એક વરિષ્ઠ પોલીસ અધિકારી દ્વારા આ માહિતી આપવામાં આવી હતી.

Anguished by the loss of lives due to a tragic accident in Birbhum district of West Bengal. Prayers with the injured.

Rs. 2 lakh from PMNRF would be given to the next of kin of each deceased and the injured would be given Rs. 50,000: PM @narendramodi

— PMO India (@PMOIndia) August 9, 2022

વડાપ્રધાન નરેન્દ્ર મોદીએ આ દુર્ઘટના પર શોક વ્યક્ત કર્યો છે અને જાન ગુમાવનારાઓના પરિવારજનો માટે સહાયની જાહેરાત કરી છે. દુર્ઘટનામાં જાન ગુમાવનારાઓના પરિજનોને 2-2 લાખ રૂપિયા અને ઘાયલોને 50-50 હજાર રૂપિયાની સહાય આપવામાં આવશે.

અકસ્માત સમયે મુસાફરોથી ભરેલી ઓટોરિક્ષા દક્ષિણ બંગાળ સ્ટેટ ટ્રાન્સપોર્ટ કોર્પોરેશન (એસબીએસટીસી)ની બસ સાથે અથડાઈ હતી. બીરભૂમ જિલ્લાના પોલીસ અધિક્ષક (SP) નાગેન્દ્ર નાથ ત્રિપાઠીએ જણાવ્યું હતું કે થ્રી-વ્હીલરમાં આઠ મહિલાઓ મુસાફરો હતી અને નવમો પીડિત તેનો ડ્રાઈવર હતો.