November 04, 2024
She-Box Portal: કેન્દ્રીય મહિલા અને બાળ વિકાસ મંત્રી અન્નપૂર્ણા દેવીએ ગુરુવારે (29 ઑગસ્ટ) શી-બૉક્સ પોર્ટલ લૉન્ચ કર્યું, જે કાર્યસ્થળ પર મહિલાઓની સુરક્ષા વધારવા(She-Box Portal) માટે એક કેન્દ્રિય મંચ છે. શી-બોક્સ પોર્ટલ જાતીય સતામણીની ફરિયાદો અને તેના સંચાલન માટે તૈયાર કરવામાં આવ્યું છે.
મંત્રાલયે પોતાના નિવેદનમાં કહ્યું કે, ‘કાર્યસ્થળો પર મહિલાઓની સુરક્ષા માટે સરકાર દ્વારા આ એક મહત્વપૂર્ણ પગલું છે. આ કાર્યક્રમમાં મંત્રાલયની નવી વેબસાઈટ પણ લોન્ચ કરવામાં આવી હતી. મંત્રાલયે કહ્યું, ‘આ પોર્ટલ દેશની આંતરિક સમિતિઓ અને સ્થાનિક સમિતિઓ સંબંધિત માહિતીના સંગ્રહ તરીકે કામ કરશે, જેમાં સરકારી અને ખાનગી બંને ક્ષેત્રો હશે.
જાણો શું છે She-Box
આ પોર્ટલ મહિલાઓને ફરિયાદો નોંધાવવામાં, તેમની સ્થિતિનું નિરીક્ષણ કરવામાં અને તેમની ફરિયાદોનું સમયસર નિરાકરણ કરવામાં મદદ કરશે. આ માટે, ફરિયાદોના વાસ્તવિક સમયની દેખરેખ માટે નોડલ અધિકારીની નિમણૂક કરવામાં આવશે, જે મહિલાને ન્યાય મળે તેની ખાતરી કરશે.
Trending News
આ પ્રસંગે કેન્દ્રીય મહિલા અને બાળ વિકાસ મંત્રી અન્નપૂર્ણા દેવીએ મહિલાઓ માટે કાર્યસ્થળના વાતાવરણને વધુ સુરક્ષિત અને સમાવિષ્ટ બનાવવા આ પહેલના મહત્વ પર ભાર મૂક્યો હતો. કેન્દ્રીય મંત્રીએ કહ્યું, ‘આ પહેલ કાર્યસ્થળ સંબંધિત જાતીય સતામણીની ફરિયાદોને ઉકેલવા માટે પહેલાં કરતાં વધુ કાર્યક્ષમ અને સુરક્ષિત પ્લેટફોર્મ પૂરું પાડશે. આ પગલું દેશમાં મહિલાઓ માટે વધુ સુરક્ષિત અને વધુ સમાવિષ્ટ કાર્ય વાતાવરણ બનાવવાની સરકારની પ્રતિબદ્ધતાને પ્રતિબિંબિત કરે છે.
કોલકાતા કેસ પછી ચર્ચા શરૂ થઈ
કોલકાતાની આરજી કર હોસ્પિટલમાં તાલીમાર્થી તબીબ સાથે દુષ્કર્મ બાદ સમગ્ર દેશમાં આક્રોશનો માહોલ છે. આ ઘટના બાદ લોકો કામના સ્થળે મહિલાઓની સુરક્ષાને લઈને સવાલો ઉઠાવી રહ્યા છે. આવી સ્થિતિમાં, સરકાર કામના સ્થળે મહિલાઓના કામ અને સલામતીને લઈને ઘણા પગલાં લઈ રહી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App