WhatsApp એ યુઝર્સને આપ્યો મોટો ઝટકો: હવે દરેક SMS પર લાગશે 2.3 રૂપિયા ચાર્જ, 1 જુનથી લાગુ થશે નવો નિયમ

WhatsApp SMS Charge: આજે, WhatsApp સૌથી મોટું ઇન્સ્ટન્ટ મેસેજિંગ પ્લેટફોર્મ બની ગયું છે. કંપનીના હાલમાં 2 અબજથી વધુ વપરાશકર્તાઓ છે. તેનો ઉપયોગ માત્ર સંદેશા માટે જ નહીં પરંતુ વૉઇસ કૉલિંગ, વીડિયો કૉલિંગ, ડોક્યુમેન્ટ શેરિંગ જેવા કાર્યો માટે પણ થાય છે. જો તમે પણ WhatsAppનો ઉપયોગ કરો છો(WhatsApp SMS Charge) તો તમારા માટે એક મોટું અપડેટ છે.જેમાં વોટ્સએપ પર મેસેજ મોકલવા માટે 2 રૂપિયાથી વધુનો ચાર્જ લેવામાં આવશે. ચાલો તમને આ અપડેટ વિશે વિગતવાર જણાવીએ.

મેટા-માલિકીના સોશિયલ મીડિયા પ્લેટફોર્મ વોટ્સએપે નવી કેટેગરી શરૂ કરી છે. WhatsAppની આ શ્રેણી આંતરરાષ્ટ્રીય વન-ટાઇમ પાસવર્ડ (OTP) છે. વોટ્સએપની આ શ્રેણી દ્વારા ભારતમાં બિઝનેસ મેસેજ મોકલવાની કિંમતમાં વધારો કરવામાં આવ્યો છે. તેનાથી કંપનીની આવક વધારવામાં ઘણી મદદ મળી શકે છે.

કંપનીએ કિંમતોમાં 20 ગણો વધારો કર્યો છે
એક મીડિયા રિપોર્ટ અનુસાર, કંપનીએ ઇન્ટરનેશનલ મેસેજ મોકલવાની કિંમતમાં લગભગ 20 ગણો વધારો કર્યો છે. તમને જણાવી દઈએ કે વોટ્સએપે બિઝનેસ મેસેજની કિંમતમાં વધારો કર્યો છે, પરંતુ બીજી તરફ સામાન્ય યુઝર્સ પહેલાની જેમ ફ્રીમાં SMS મોકલી શકશે. વોટ્સએપની નવી ઈન્ટરનેશનલ મેસેજ કેટેગરીમાં યુઝર્સને હવે પ્રતિ મેસેજ 2.3 રૂપિયા ચૂકવવા પડશે.

નવો ચાર્જ 1લી જૂનથી લાગુ થશે
WhatsApp SMS માટેનો આ ચાર્જ 1 જૂનથી લાગુ થશે. એવું માનવામાં આવે છે કે આની સીધી અસર ભારત અને ઇન્ડોનેશિયાના બિઝનેસ પર પડશે. વોટ્સએપના આ નિર્ણયથી માઇક્રોસોફ્ટ, ગૂગલ, એમેઝોન, ફ્લિપકાર્ટ જેવી વિશ્વની અગ્રણી કંપનીઓના કોમ્યુનિકેશન બજેટને પણ અસર થશે. તમને જણાવી દઈએ કે સામાન્ય ઈન્ટરનેશનલ વેરિફિકેશન ઘણું મોંઘું હોય છે અને જો કોઈ યૂઝર વોટ્સએપ દ્વારા વેરિફિકેશન કરે છે તો ચાર્જ ઓછો લાગશે. પરંતુ હવે કંપનીએ WhatsApp વેરિફિકેશન પણ મોંઘુ કરી દીધું છે.