સાવચેત રહેજો! કોરોનાના હાહાકાર વચ્ચે WHOના વૈજ્ઞાનિકે વધુ એક લહેરને લઈને કરી મોટી આગાહી

વર્લ્ડ હેલ્થ ઓર્ગેનાઈઝેશન(WHO) તરફથી કોરોના વાયરસને લઈને એક ચોંકાવનારું નિવેદન સામે આવ્યું છે. મહામારીના અચાનક વધી રહેલા કેસોને લઈને WHOના મુખ્ય વૈજ્ઞાનિક સૌમ્યા સ્વામીનાથ(Soumya Swaminath)ને ચેતવણી આપી છે કે, કોરોના વાયરસની નવી લહેર માટે તૈયાર રહેવું જોઈએ. તેમણે કહ્યું કે આવા પુરાવા સામે આવ્યા છે જેમાં ઓમિક્રોન(Coronavirus Omicron variant)ના તમામ પ્રકારો BA.4 અને BA.5 રસી લેવા છતાં લોકોને સંક્રમિત કરી રહ્યા છે.

સ્વામીનાથને ગુરુવારે ટ્વીટ કર્યું, “આપણે કોરાના વાયરસના નવા તરંગો માટે તૈયાર રહેવાની જરૂર છે. વાયરસનું દરેક સ્વરૂપ રોગપ્રતિકારક-પ્રતિકારક છે. વધુ લોકોને ચેપ લાગવાથી, હોસ્પિટલમાં દાખલ દર્દીઓની સંખ્યામાં વધારો થશે. તમામ દેશોએ ડેટાના આધારે ઉભરતી પરિસ્થિતિનો સામનો કરવાની યોજના બનાવવી જોઈએ.

સ્વામીનાથને ‘વર્લ્ડ બેંક ગ્રુપ’ના વરિષ્ઠ સલાહકાર ફિલિપ શેલેકન્સના ટ્વિટના જવાબમાં આ વાત કહી. શેલેકન્સે કહ્યું, અમે કોવિડ-19ના મૃત્યુ દરમાં વૈશ્વિક ફેરફાર જોઈ રહ્યા છીએ. મહિનાઓ સુધી મૃત્યુદરમાં ઘટાડો થયા બાદ તે ફરી વધવા લાગ્યો છે. તેમણે કહ્યું કે આ આશ્ચર્યજનક નથી કારણ કે સંક્રમણને નિયંત્રિત કરવા માટે ઢીલો અભિગમ અપનાવવામાં આવી રહ્યો છે અને વૈશ્વિક સ્તરે રસીકરણ કાર્યક્રમ પણ ધીમી ગતિએ ચાલી રહ્યો છે.

મૃત્યુ દરમાં અમેરિકા અને બ્રાઝિલ આગળ:
શેલેકન્સના જણાવ્યા અનુસાર, મહામારીએ સમૃદ્ધ દેશો અને ઓછી આવક ધરાવતા દેશોમાં વેગ પકડ્યો છે. સમૃદ્ધ દેશોમાં, અમેરિકા, ફ્રાન્સ, ઇટાલી, જર્મની અને જાપાનમાં રોગચાળો વધી રહ્યો છે, જ્યારે બ્રાઝિલ હજી પણ મધ્યમ આવક ધરાવતા દેશોમાં રોગચાળાના કેસોમાં મોખરે છે.