‘એક હાથમાં પત્નીનું કપાયેલું માથું, બીજામાં ધારદાર હથિયાર’- ખૌફનાક વિડીયો સોશિયલ મીડિયામાં થયો વાયરલ

હાલમાં જ સોશિયલ મીડિયા(Social media) પર ઈરાનથી(Iran) એક ભયાનક વીડિયો વાયરલ થયો છે, જેમાં એક વ્યક્તિ તેની 17 વર્ષની પત્નીનું કપાયેલું માથું લઈને રસ્તા પર ફરતો જોવા મળે છે. આ ઘટના બાદ સમગ્ર ઈરાનમાં રોષનો માહોલ છે. લોકો આરોપીઓને કડક સજાની માંગ કરી રહ્યા છે. આ વીડિયો જોઈને બધાના દિલ હચમચી ગયા છે.

એવું કહેવામાં આવી રહ્યું છે કે, વ્યક્તિએ તેની પત્નીની હત્યા એટલા માટે કરી કારણ કે તેના કોઈ અન્ય યુવતી સાથે ગેરકાયદેસર સંબંધ હતો. પ્રાપ્ત થયેલી માહિતી અનુસાર, પોલીસને શંકા છે કે, ઈરાનના દક્ષિણ પશ્ચિમ શહેર અહવાઝમાં 17 વર્ષની મોના હૈદરીની તેના પતિ અને તેના સાળાએ હત્યા કરી નાખી છે.

સ્થાનિક પોલીસનું કહેવું છે કે, આ કેસમાં બે આરોપીઓની ધરપકડ કરવામાં આવી છે. બંનેની પૂછપરછ કરવામાં આવી રહી છે. ઈરાનના અખબારો અને સોશિયલ મીડિયા પર આ વીડિયો વાયરલ થયા બાદ લોકોમાં આરોપીઓ વિરુદ્ધ રોષ ઠાલવ્યો હતો. ‘આવો ગુનો આપણે કેવી રીતે સ્વીકારી શકીએ. મહિલાની આવી હત્યા ફરી ન થવી જોઈએ. આ માટે સરકારે કડક પગલાં ભરવા જોઈએ.’ ત્યાના કોઈ સ્થાનિકે કહ્યું.