November 28, 2024
કોરોનાની હાલની સ્થિતિને ધ્યાનમાં રાખીને આ વર્ષે પણ અમરનાથ યાત્રા રદ કરવામાં આવી છે. ગયા વર્ષે પણ અમરનાથ યાત્રા કોરોનાના સંક્રમણને કારણે રદ કરવામાં આવી હતી. જો કે આ અમરનાથ યાત્રાના ભક્તો 28 જૂનથી ઓનલાઈન દર્શન કરી શકશે. શ્રી અમરનાથ છડી મુબારકને 22 ઓગસ્ટે ગુફામાં લઈ જવામાં આવશે.
આ પહેલા જમ્મુ-કાશ્મીરના લેફ્ટનન્ટ ગવર્નર મનોજ સિન્હાએ શુક્રવારે કહ્યું હતું કે, સરકાર વાર્ષિક અમરનાથ યાત્રાધામ યોજવાનો નિર્ણય ટૂંક સમયમાં લેશે. પરંતુ સ્પષ્ટ કરી દીધું કે લોકોનું જીવન બચાવવું એ તેની પ્રાથમિકતા છે.
હિમાલયની ઉંચાઈએ 3,880 મીટરની ઉંચાઈ પર સ્થિત ભગવાન શિવના ગુફા મંદિરની 56 દિવસની યાત્રા 28 જૂનથી પહેલગામ અને બાલતાલ માર્ગોથી શરૂ થવાની છે અને 22 ઓગસ્ટે સમાપ્ત થવાની છે.
Trending News
આ વર્ષે અમરનાથ યાત્રા રહેશે કે કેમ તે અંગેના સવાલ પર મનોજ સિન્હાએ અહીં પત્રકારોને જણાવ્યું હતું કે, ‘મેં પહેલેથી જ કહ્યું છે કે લોકોનું જીવન બચાવવું વધુ મહત્ત્વનું છે. કોવિડ-19 રોગચાળાને ધ્યાનમાં રાખીને અમે ટૂંક સમયમાં કોઈ નિર્ણય લઈશું.
નોંધપાત્ર વાત એ છે કે, વર્ષ 2020 માં રોગચાળાને કારણે યાત્રાને રદ કરવામાં આવી હતી. આ અગાઉ સિંહાએ વિકાસના પગલા ઉપરાંત જમ્મુ-કાશ્મીરની સુરક્ષા પરિસ્થિતિનો હિસ્સો લેવા કેન્દ્રીય ગૃહ પ્રધાન અમિત શાહ દ્વારા બોલાવવામાં આવેલી બેઠકમાં ભાગ લીધો હતો. રાષ્ટ્રીય સુરક્ષા સલાહકાર અજિત ડોભાલ, કેન્દ્રીય ગૃહ સચિવ અજય ભલ્લા, કેન્દ્ર સરકાર અને જમ્મુ-કાશ્મીર પ્રશાસનના ઉચ્ચ સુરક્ષા અને ગુપ્ત અધિકારીઓ આ બેઠકમાં હાજર રહ્યા હતા.
મળતી માહિતી અનુસાર જાણવા મળ્યું હતું કે, ગૃહ પ્રધાનને જમ્મુ-કાશ્મીરની પ્રવર્તમાન સુરક્ષા પરિસ્થિતિ અને ત્યાં લેવામાં આવતા સુરક્ષા પગલાં વિશે માહિતગાર કરવામાં આવ્યા હતા. તેમણે કહ્યું કે ઉચ્ચ અધિકારીઓએ શાહને નિયંત્રણ રેખા અને પાકિસ્તાન સાથેની આંતરરાષ્ટ્રીય સરહદની પરિસ્થિતિ વિશે પણ માહિતગાર કર્યા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.