March 16, 2025
Elephant Viral Video: રશિયામાં એક સર્કસના હાથીનો વીડિયો ઇન્ટરનેટ પર ઝડપથી વાયરલ થઈ રહ્યો છે. જેમાં તે પોતાના સાથીને ગુમાવતા ઊંડા શોકમાં (Elephant Viral Video) ડૂબેલો જોવા મળે છે. જેની અને મેગ્ડા નામના આ બંને હાથીઓ લગભગ 25 વર્ષથી એક બીજા સાથે હતા અને નિવૃત્ત જીવન જીવી રહ્યાં હતા. આ દરમિયાન જેની અચાનક પડી ગઈ અને તેનું મોત થઈ ગયું. આ ઘટના બાદ મેગ્ડાનું વર્તન જોઈને દરેક લોકો નવાઈમાં પડી ગયા છે.
વીડિયોમાં જોઈ શકાય છે કે, મેગ્ડાએ પહેલા જેનીને ઉઠાડવાનો ખૂબ પ્રયત્ન કર્યો છે. પરંતુ તે જ્યારે પોતાના સાથીને ઉઠાડવામાં નિષ્ફળ રહે છે ત્યારે મેગ્ડા જેનીને ગળે લગાવે છે અને તેની પાસે ઊભા રહીને અંતિમ વિદાય આપે છે. એવું લાગી રહ્યું છે કે જાણે તે ભાવુક થઈને રડી રહ્યો હોય. આ માર્મિક વીડિયો જોઈ તમે પણ ભાવુક થઈ જશો.
સોશિયલ મીડિયા પર આ વીડિયો જોઈને લોકો ભાવુક થયા
સ્થાનિક મીડિયા રિપોર્ટ્સ અનુસાર, મેગ્ડા ઘણાં કલાકો સુધી જેનીની આસપાસ રહે છે અને વેટરનિટી ડોક્ટરને પણ તેની પાસે જવા દેતો નથી. સોશિયલ મીડિયા પર આ વીડિયો જોઈને લોકો ભાવુક થઈ રહ્યાં છે. એક યુઝરે લખ્યું, પ્રેમની કોઈ સીમા નથી હોતી. અન્ય એક યૂઝર લખે છે કે, સૌથી મોટું દુ:ખ એ છે કે, તમે જેને સૌથી વધુ પ્રેમ કરો છો, તેને ગુમાવી દો. કેટલાક લોકોએ એવું પણ જણાવ્યું કે, હાથી માણસની જેમ જ દફનાવવાની વિધિ કરે છે અને એ જોઈને લોકો ભાવુક થઈ ગયા.
Trending News
બંને હાથી સરકસમાં પરફોર્મ કરતા હતા
જેની અને મેગ્ડા રશિયાના કાઝાન શહેરમાં સર્કસમાં પરફોર્મ કરતા હતા. પરંતુ 2021માં બે ઘટનાઓ બાદ તેમને રિટાયર કરી દેવામાં આવ્યા. એક શો દરમિયાન બંને હાથીઓ વચ્ચે લડાઈ શરૂ થઈ ગઈ હતી, જેથી દર્શકોમાં નાસભાગ મચી ગઈ હતી.
Animals do have emotions and seen here in the below video of an Elephant collapsed and passed away and his partner of 25 years is mourning her death. 😥😥pic.twitter.com/hOaPtLjLRu
— Aryan (@chinchat09) March 15, 2025
Remember the Russian circus elephants who fought so fiercely in 2021 they terrified the crowd in Kazan?
Baza reports that Magda & Jennie were sent to retire in Crimea, made peace, and stayed together—until Jennie died this week.
Magda’s grief speaks volumes. pic.twitter.com/Xi3MnA14l5
— Brian McDonald (@27khv) March 14, 2025
એક અઠવાડિયા બાદ હાથીઓએ પોતાના માસ્ટર પર હુમલો કરી દીધો હતો. જેથી તેમને ગંભીર ઇજાઓ થઈ હતી. તેની પાંસળીઓ તૂટી ગઈ અને ફેફસામાં ઈજા પહોંચી હતી. ત્યાર બાદ શૉને બંધ કરી દેવામાં આવ્યો હતો. જણાવી દઈએ કે, ટ્વિટર પર આ વીડિયોને બ્રાયન મેકડોનાલ્ડ (@27khv) નામના અકાઉન્ટ પરથી શેર કરવામાં આવ્યો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App