November 05, 2024
નવરાત્રી વર્ષમાં ચાર વખત આવે છે- માઘ, ચૈત્ર, અષાઢ અને અશ્વિન. નવરાત્રી વાતાવરણના તમસનો અંત અને સાત્વિકતાની શરૂઆત કરે છે. માતા રાણીના તમામ ભક્તો આ 9 દિવસો ખૂબ જ ધામધૂમથી ઉજવે છે. નવરાત્રીના નવ દિવસ સુધી મા દુર્ગાના નવ સ્વરૂપોની પૂજા કરવામાં આવે છે. છઠ્ઠા દિવસે કાત્યાયની દેવીની પૂજા કરવામાં આવે છે. એવું કહેવાય છે કે, જે સાચા હૃદયથી માતાનું સ્મરણ કરે છે તેના રોગો, શોક, કષ્ટ, ભય વગેરેનો સંપૂર્ણ નાશ થાય છે.
જન્મ પછીના પાપોનો નાશ કરવા માટે માતાનું શરણ લઈને તેની પૂજા કરવા માટે તૈયાર થવું જોઈએ. તમને જણાવી દઈએ કે, ‘મા કાત્યાયની’ અમરકોશમાં પાર્વતીનું બીજું નામ છે. ઉમા, કાત્યાયની, ગૌરી, કાલી, હેમાવતી અને ઈશ્વરી સંસ્કૃત શબ્દકોશમાં અન્ય નામ છે. શક્તિવાદમાં તેને શક્તિ અથવા દુર્ગા તરીકે ઓળખવામાં આવે છે. જેમાં ભદ્રકાલી અને ચંડિકાનો પણ સમાવેશ થાય છે.
કાત્યાયની માતાની પૂજા કેવી રીતે કરવી
સંધ્યા સમયે પીળા કે લાલ વસ્ત્રો ધારણ કરીને મા કાત્યાયનીની પૂજા કરવી જોઈએ. તેને પીળા ફૂલ અને પીળા નૈવેદ્ય અર્પણ કરો. માતા કાત્યાયનીને મધ અર્પણ કરવું વિશેષ શુભ છે. માતાને સુગંધિત પુષ્પો અર્પણ કરવાથી વહેલા લગ્નની સંભાવનાઓ બને છે. તેની સાથે પ્રેમ સંબંધી અવરોધો પણ દૂર થાય છે.
Trending News
તમને જણાવી દઈએ કે, એવા લોકો જે લાંબા સમયથી પોતાના અથવા પોતાના બાળકો માટે લગ્ન સંબંધની શોધમાં છે. પરંતુ, તેમને કોઈ સારા સંબંધ નથી મળી રહ્યા. તેથી, જો તમે પણ આવી સમસ્યાઓથી પરેશાન છો તો આજે મા કાત્યાયનીની પૂજા કરીને તમારે તેનો લાભ અવશ્ય લેવો જોઈએ. પૂજા દરમિયાન માતાના આ મંત્રનો જાપ કરો.
મંત્ર: सर्व मंगल मांगल्ये शिवे सर्वार्थसाधिके। शरण्ये त्र्यम्बिके गौरी नारायणी नमोस्तुते।
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.