મહિલાઓ પર મહેરબાન રાજ્ય સરકાર: વર્ષમાં બે મફત સિલિન્ડર આપવાની કરી જાહેરાત

Announcement of giving two free cylinders by BJP: ચૂંટણી દરમિયાન, ભાજપે તેના ઢંઢેરામાં મહિલાઓને એક વર્ષમાં બે મફત સિલિન્ડર આપવાની જાહેરાત કરી હતી. જે આ દિવાળી (દિવાળી 2023) થી લગભગ દોઢ વર્ષ પછી શરૂ થવા જઈ રહી છે. યુપીના મુખ્ય સચિવે આ યોજના સંબંધિત પ્રસ્તાવ પર વિભાગીય અધિકારીઓ સાથે બેઠક કરીને જરૂરી દિશાનિર્દેશો આપ્યા છે.

તમને જણાવી દઈએ કે, ઉત્તર પ્રદેશમાં ઉજ્જવલા યોજના હેઠળ લગભગ એક કરોડ 75 લાખ ગેસ કનેક્શન છે. આ વખતે દિવાળીના અવસર પર પહેલીવાર ફ્રી સિલિન્ડરના પૈસા આ ગેસ કનેક્શન ધારકોના ખાતામાં ડાયરેક્ટ બેનિફિટ ટ્રાન્સફર એટલે કે DBT દ્વારા મોકલવામાં આવશે. સોમવારે લખનૌમાં મુખ્ય સચિવની અધ્યક્ષતામાં આ અંગે નિર્ણય લેવામાં આવ્યો છે.

દિવાળી પછી હોળી પર પણ મળશે ફ્રી સિલિન્ડર
નિર્ણય પહેલા મુખ્ય સચિવને પ્રેઝન્ટેશન આપવામાં આવ્યું હતું અને સરકારે આ હેતુ માટે નાણાંની વ્યવસ્થા પણ કરી છે. ખાદ્ય અને લોજિસ્ટિક્સ વિભાગના આ પ્રસ્તાવ પર ટૂંક સમયમાં કેબિનેટની મંજૂરી લેવામાં આવશે.

એવું કહેવામાં આવી રહ્યું છે કે, ઉજ્જવલા યોજનાની મહિલા લાભાર્થીઓને દિવાળી પહેલા મફત એલપીજી સિલિન્ડર આપવામાં આવશે. તેવી જ રીતે હોળી પર ફ્રી સિલિન્ડર પણ આપવામાં આવશે.

અત્રે ઉલેખનીય છે કે, ગત વિધાનસભા ચૂંટણી દરમિયાન, ભાજપે તેના ઢંઢેરામાં હોળી અને દિવાળી પર ઉજ્જવલા યોજનાની મહિલા લાભાર્થીઓને મફત એલપીજી સિલિન્ડર આપવાની જાહેરાત કરી હતી. આ માટે ગયા વર્ષે હોળી અને દિવાળી પર ઉજ્જવલા લાભાર્થીઓને મફત ગેસ સિલિન્ડર આપવા માટે બજેટમાં 3300 કરોડ રૂપિયાથી વધુની જોગવાઈ કરવામાં આવી હતી.

• ગુગલ ન્યુઝમાં Trishul News Gujarati ની અપડેટ મેળવવા ક્લિક કરો:  Trishul News Gujarati 
• નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
• અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
• વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
• યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube