સુરતના બહુચર નગરમાં અસામાજિક તત્ત્વોએ યુવાન પર ચાકુ વડે હુમલો કર્યો: જુઓ સીસીટીવી દ્રશ્યો

સુરતમાં નવા પોલીસ કમિશનરની નિયુક્તિ બાદ પણ અપરાધ ઓછા થવાનું નામ નથી લઇ રહ્યા. દિવસેને દિવસે સુરત ક્રાઇમ સિટી બની રહી હોય તેવું લાગી રહ્યું છે. લોનના હપ્તાની ઉઘરાણી માટે આવેલા બે શખ્સો દ્વારા થયેલા હુમલામાં પોલીસે CCTVના આધારે ગુનો નોંધી બે શખ્સોની ધરપકડ કરી વધુ તપાસ હાથ ધરી છે.

એવામાં સુરતના કતારગામ વિસ્તારમાં આવેલા બહુચર નગર માં એક એવી જ ઘટના બની હતી. આ ઘટનાના સીસીટીવી ફૂટેજ સામે આવ્યા છે. ફૂટેજમાં જોઈ શકાય છે તેમ પહેલાં તો ત્રણ ચાર યુવકો તેને ઘેરી લે છે. અને થોડી બોલાચાલી થઇ રહી છે.

સુરતના બહુચર નગર માં અસામાજિક તત્ત્વોએ યુવાન પર ચાકુ વડે હુમલો કર્યો: ઘટના સીસીટીવીમાં કેદ pic.twitter.com/sLADSAUaGo

— Trishul News (@TrishulNews) August 17, 2020

એટલી જ વારમાં એક યુવક છરી જેવા સાધન થી તેના પર હુમલો કરી બેસે છે જેમાં તેના માથા અને હાથ પર ઇજાઓ પહોંચે છે. પછી તે પોતાનો જીવ બચાવવા માટે નાસી છૂટે છે. હુમલો કરનાર પણ તેની પાછળ પાછળ દોડી રહ્યો છે. હાલમાં તેની સારવાર હોસ્પિટલમાં ચાલી રહી છે. કતારગામ પોલીસે સીસીટીવી જોઈ તેના આધારે તપાસ શરૂ કરી છે.