સુરતની ધર્મનંદન ડાયમંડ કંપનીએ કર્મચારીઓને ઘરે બેઠા લોકડાઉનનો પગાર ચૂકવ્યો

સમગ્ર વિશ્વ આજે માનવ અસ્તિત્વ માટે કોરોના મહામારી સામે લડાઈ લડી રહ્યું છે ત્યારે તમામ રોજગાર ધંધા બંધ છે. સુરતની ચમક ગણાતા હીરા ઉદ્યોગને પણ લોકડાઉનની અસર થઇ છે અને કંપનીઓ, ફેકટરીઓ બંધ છે. સુરતની ધર્મનંદન ડાયમંડ પ્રાઇવેટ લિમિટેડ દ્વારા શેઠ કારીગર નહી પણ પરિવાર ના સબંધો સામે આવ્યા છે.

છેલ્લા દોઢ મહિનાથી કંપનીમાં ઉત્પાદન બંધ હોવા છતાં ધર્મનંદન ડાયમંડ કંપનીના માલિક  લાલજીભાઈ પટેલ અને શ્રી તુલસી ભાઈ ગોટી દ્વારા કારીગરોને પગાર ઘરબેઠા આપ્યો અને પરિવાર ભાવનાનું ઉત્તમ ઉદાહરણ પૂરું પાડ્યું છે.

માત્ર પગાર જ નહી જરૂરિયાત મંદ લોકોને જીવન જરૂરી હજારો કીટ પણ આપવામાં આવી. પોતાના કારીગરોને લીધે જ પોતાની કંપની છે તેનું મહત્વ સમજતા ધર્મ નંદન ડાયમંડ ના માલિકોએ જે પરિવાર ભાવના બતાવી છે તેનાથી કંપનીના હજારો કારીગરોને બળ પૂરું પાડ્યું છે.