November 05, 2024
યુટ્યુબર નમરા કાદિરની, હની ટ્રેપમાં ફસાવીને બિઝનેસમેન પાસેથી લાખો રૂપિયા પડાવવાના આરોપમાં ધરપકડ કરવામાં આવી છે. પોલીસે તેને 4 દિવસના રિમાન્ડ પર લઈને તપાસ શરૂ કરી છે. પોલીસની પ્રાથમિક તપાસમાં એવું બહાર આવ્યું છે કે નમરા પહેલાથી પરિણીત છે અને એક બાળકની માતા પણ છે. હવે નમરાના પતિ વિરાટ બેનીવાલની ધરપકડ માટે દરોડા પાડવામાં આવી રહ્યા છે.
View this post on Instagram
નમરા કાદિરે બિઝનેસમેનને કેવી રીતે ફસાવ્યો?
નમરા કાદિર ખૂબ જ લોકપ્રિય સોશિયલ મીડિયા યુટ્યુબર છે. યુટ્યુબ પર તેના 6 લાખથી વધુ અને ઈન્સ્ટાગ્રામ પર 2 લાખથી વધુ ફોલોઅર્સ છે. નમરા પર આરોપ છે કે તેણે તેના પતિ સાથે મળીને ગુરુગ્રામના એક બિઝનેસમેનને તેના પ્રેમની જાળમાં ફસાવી હતી. બાદમાં તેને દુષ્કર્મના ખોટા કેસમાં ફસાવી દેવાની ધમકી આપી હતી. અને તેની પાસેથી 80 લાખથી વધુની ગેરકાયદે વસૂલાત કરી હતી. આ પછી, 24 નવેમ્બરે, નારાજ વેપારીએ પોલીસ સ્ટેશનમાં નમરા વિરુદ્ધ ફરિયાદ નોંધાવી.
Trending News
View this post on Instagram
રિપોર્ટ અનુસાર, બિઝનેસમેને પોતાની ફરિયાદમાં લખ્યું છે કે, ‘કામના સંબંધમાં હું નમરા કાદિરને રેડિસન હોટેલ સોહના રોડ પર મળ્યો હતો. તે યુટ્યુબર છે. તેણે મારો પરિચય વિરાટ બેનીવાલ સાથે પણ કરાવ્યો અને કહ્યું કે તે યુટ્યુબર પણ છે અને તેનો નજીકનો મિત્ર છે. તેણે મારી કંપનીમાં કામ કરવાની હા પાડી અને બે લાખનું એડવાન્સ પેમેન્ટ માંગ્યું. મેં તેને તે જ દિવસે બે લાખ રૂપિયા આપ્યા, કારણ કે હું નમરાને થોડા સમય પહેલા ઓળખતો હતો. બાદમાં, જ્યારે હું તેના માટે જાહેરાતનું કામ લાવ્યો અને તેને સમજાવ્યો, ત્યારે તેણે હા પાડી અને વધુ 50,000 રૂપિયાની માંગણી કરી, જે મેં તેના ખાતામાં મોકલી આપ્યા.
View this post on Instagram
બિઝનેસમેને પોતાની ફરિયાદમાં વધુમાં જણાવ્યું હતું કે, તે પછી પણ તેઓએ મારું કામ કર્યું નહીં. નમરાએ મને કહ્યું કે કામ માત્ર એક બહાનું હતું, તે મને પસંદ કરે છે અને મારી સાથે લગ્ન કરવા માંગે છે. તે તેની બહેનના લગ્ન પછી મને મારા પૈસા પરત કરશે. મને પણ તેણી ગમતી હતી અને પછી અમે સાથે ફરવા લાગ્યા. વિરાટ હંમેશા તેની સાથે હતો. એક દિવસ અમે ક્લબમાં પાર્ટી કરવા ગયા ત્યારે નમરા અને વિરાટે મને બળજબરીથી દારૂ પીવડાવ્યો. અમે ત્રણેય જણ હોટેલમાં રૂમ બુક કરીને સૂઈ ગયા. સવારે ઉઠીને, નમરાએ મારી પાસે મારું કાર્ડ માંગ્યું અને મને બ્લેકમેલ કરવાનું શરૂ કર્યું. તેણે કહ્યું કે જો હું ના પાડીશ તો તે દુષ્કર્મના ખોટા કેસમાં ફીટ કરાવી દેશે. હું ડરી ગયો અને મેં તેને વિનંતી કરી કે આપણે મિત્રો છીએ અને કંઈ ખોટું કર્યું નથી, તેથી તેણે આવું ન કરવું જોઈએ.
View this post on Instagram
વેપારીએ એમ પણ કહ્યું કે, ‘આ વાતચીત દરમિયાન જ વિરાટ બેનીવાલે પોતાનું હથિયાર કાઢીને કહ્યું કે તે નમરાનો પતિ છે. જો હું તેની વાત નહીં સાંભળું તો તે મને ફસાવી દેશે. આ અકસ્માત બાદ મેં તેની વાત માની અને અત્યાર સુધીમાં તેણે મારી પાસેથી 70-80 લાખ રૂપિયાનો સામાન અને રોકડ લઈ લીધી છે, જેના પુરાવા મારી પાસે છે.’ બિઝનેસમેનના જણાવ્યા મુજબ, નમરા કાદિરે તેનો ફોન લીધો, તમામ પુરાવાઓ કાઢી નાખ્યા અને ફોન રીસેટ કરી દીધો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.