November 24, 2024
વિજ્ઞાન અનુસાર વજન ઘટાડવા(Weight loss) માટે શરીરની જરૂરિયાત કરતાં ઓછી કેલરી ખાવી જરૂરી છે અને શારીરિક પ્રવૃત્તિ(Physical activity) વધારવાની જરૂર હોય છે. પરંતુ આજે ઘણા આધુનિક આહાર સામે આવી ગયા છે અને લોકો તેમની અનુકૂળતા મુજબ તેને અનુસરે છે. આમાંના કેટલાક આહાર વજન ઘટાડવામાં મદદ કરી શકે છે. થોડા સમય પહેલા એક મહિલાએ પોતાનું 51 કિલો વજન ઘટાડ્યું છે. તેમનું વજન પહેલા લગભગ 111 કિલો હતું. જ્યારે તેણે લગ્ન પહેલા તેનો ડ્રેસ પહેર્યો ત્યારે ડ્રેસ યોગ્ય ફિટ ન આવતા તેને લાગ્યું કે તેને વજન ઘટાડવાની જરૂર છે. આ પછી તેણે કોઈ પણ કસરત કર્યા વગર જ પોતાનું 51 કિલો વજન ઘટાડ્યું. ચાલો જાણીએ તેણે પોતાનું વજન કેવી રીતે ઘટાડ્યું.
વજન ઘટાડનાર મહિલાનું નામ એલિસ બેઈલી છે, જે ઓન્ટારિયો, કેનેડાની રહેવાસી છે. જુલાઈ 2020માં, તેનું વજન લગભગ 111 કિલો હતું. પરંતુ તે સમયે તેને અહેસાસ થયો હતો કે તેને વજન ઘટાડવાની જરૂર છે કારણ કે તેનું વજન કાબૂ બહાર થઈ રહ્યું છે. ત્યારબાદ 39 વર્ષની એલિસે પોતાનું વજન ઘટાડવા માટે ઘણી બધી આધુનિક ડાયટ ફોલો કરી હતી, પરંતુ તેનાથી તેના પર કોઈ ફરક પડ્યો ન હતો.
Trending News
આ ડાયટથી વજન ઘટાડ્યું:
એલિસે વજન ઘટાડવા માટે કીટો ડાયટનો આશરો લીધો. એલિસના કહેવા પ્રમાણે, એવો કોઈ આહાર ન હતો, જે તેને વજન ઘટાડવામાં મદદ કરે. પરંતુ કીટો આહારે તેને વજન ઘટાડવામાં મદદ કરી, જેમાં ઉચ્ચ ચરબી, ઓછી કાર્બ અને મધ્યમ પ્રોટીન ખોરાકનો સમાવેશ થાય છે.
એલિસના જણાવ્યા અનુસાર, મેં કીટો ડાયેટ પહેલા ઘણી ડાયટ ફોલો કરી હતી. પરંતુ પછી જ્યારે મેં ઇન્ટરનેટ પર કીટો ડાયેટ વિશે જોયું, ત્યારે મેં તેને અનુસરવાનું નક્કી કર્યું. હું અન્ય આહાર સાથે વજન ઘટાડતી હતી, પરંતુ વજન ફરીથી વધી જતો હતો. પરંતુ જ્યારથી મેં કીટો ડાયેટ ફોલો કરવાનું શરૂ કર્યું છે ત્યારથી મારું વજન સતત ઘટી રહ્યું છે.
આ ખાદ્યપદાર્થો કીટો ડાયટમાં સામેલ છે:
એલિસે કહ્યું કે, કીટો ડાયટને ફોલો કરતી વખતે મેં ડાયટમાં ઘણા ટેસ્ટી ફૂડ્સનો સમાવેશ કર્યો હતો. મને જે ખાવાનું મન થાય તે હું ખાઈ લેતી હતી. પરંતુ ખાદ્યપદાર્થોમાં ચરબીનું પ્રમાણ વધુ હોય તેનું ધ્યાન રાખવામાં આવ્યું હતું. મારા આહારમાં એવોકાડો, ચીઝ, ચિકન, માછલી, દહીં અને મારી પ્રિય ડાર્ક ચોકલેટનો સમાવેશ થતો હતો.
એલિસ એક્સરસાઈઝ કરતી નથી એલિસે એક ઈન્ટરવ્યુ દરમિયાન જણાવ્યું હતું કે, જ્યારથી મેં કીટો ડાયેટ કરવાનું શરૂ કર્યું છે ત્યારથી મેં એક્સરસાઇઝ નથી કરી અને તેમ છતાં હું વજન ઘટાડી રહી છું. મારા મિત્રો એ વાત પર બિલકુલ માનતા નથી કે હું જરાય કસરત નથી કરતી. મને કસરત કરવી પસંદ નથી. હું ક્યારેય દોડતી પણ નથી કારણ કે હું સારો આહાર લઉં છું. પણ હા, હું ઘણું ચાલું છું, પણ જીમમાં નથી જતી. કીટો ડાયેટ એ ખૂબ જ સારો આહાર છે, જો કોઈ તેને સારી રીતે અનુસરે તો વ્યક્તિ વજન ઘટાડી શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.