ગોંડલ હાઈવે પર ટેમ્પો કારની પાછળ ઘુસી જતા સર્જાયો ગંભીર અકસ્માત, અચાનક જ કારમાં ભભૂકી ઉઠી આગ

હાલના સમયમાં માર્ગ અકસ્માતની ઘટનામાં સતત વધારો થઈ રહ્યો છે ત્યાર્ર આવા સમયમાં પણ આવી જ એક ભયંકર માર્ગ અકસ્માતની ઘરનાને લઈ જાણકારી સામે આવી છે. ગોંડલમાં આવેલ માર્કેટ યાર્ડમાં ડુંગળીની અઢળક આવક થઈ રહી છે ત્યારે યાર્ડ નજીક એક અકસ્માત સર્જાયો હતો.

ડુંગળીથી ભરેલ ટ્રેક્ટર પલ્ટી મારી જતા અકસ્માત સર્જાયો હતો. જો કે, કારચાલકનો ચમત્કારીક રીતે બચાવ થયો હતો. જ્યારે અન્ય એક અકસ્માતમાં કાર તથા ટેમ્પોની વચ્ચે અકસ્માત સર્જાતાં કાર અચાનક સળગી ઉઠી હતી. જો કે, કારચાલક સમય સુચકતાથી બહાર નીકળી જતાં કોઈ જાનહાની સર્જાઈ ન હતી.

ગોંડલ પોલીસે ઘટનાસ્થળ પર પહોંચી શરુ કરી કાર્યવાહી:
ગુંદાળા ચોકડીથી થોડે દુર કાર તથા ટેમ્પોની વચ્ચે અકસ્માતની ઘટના સર્જાઈ હતી. અકસ્માત સર્જાતાંની સાથે જ કાર સળગી ઉઠતાં કાર ચાલક સમય સુચકતાથી બહાર નીકળી ગયો હોવાંથી એનો બચાવ થયો હતો. ગોંડલ યાર્ડમાં ડુંગળીની આવકને લઈ વાહનોની ખુબ લાંબી લાઈનો હાઇવે પર લાગી રહી છે.

આવા સમયમાં ડુંગળીથી ભરેલ ટેમ્પોચાલક લાઈનમાંથી સાઈડમાં બહાર નીકળી જતા કાર સાથે અથડાયો હતો તથા કારમાં આગ ભભૂકી ઉઠતા કાર બળીને ખાખ થઈ ગઈ હતી. જ્યારે ડુંગળીથી ભરેલ ટ્રેક્ટર કાર પર પલ્ટી મારી જતાં અકસ્માત સર્જાયો હતો. જો કે, ડ્રાઈવરનો આબાદ બચાવ થયો હતો. અકસ્માતની જાણ ગોંડલ ફાયરને થતાંની સાથે જ ફાયર ફાઇટરો ઘટનાસ્થળ પર પહોંચી ગયાં હતાં તેમજ આગ પર કાબૂ મેળવી લેવામાં આવ્યો હતો.