BIG BREAKING: ડિસ્ટ્રિક્ટ કોર્ટમાં બોમ્બ બ્લાસ્ટ થતાં બે લોકોના મોત- ચારેબાજુ અફરાતફરી

પંજાબના લુધિયાણામાં ગુરુવારે એટલે કે આજરોજ કોર્ટ સંકુલમાં બ્લાસ્ટ થયો હતો. આ વિસ્ફોટમાં કેટલાક લોકો ઘાયલ થયા હોવાના અહેવાલ છે. કહેવામાં આવી રહ્યું છે કે બ્લાસ્ટ ત્રીજા માળે થયો હતો. આ અકસ્માતમાં ગ્રાઉન્ડ ફ્લોર પરના વાહનોને પણ નુકસાન થયું હતું. ઘટનાની જાણ થતા જ પોલીસ પણ ઘટના સ્થળે પહોંચી ગઈ હતી. આ અકસ્માતમાં બે લોકોના મોત થયા છે. તે જ સમયે, ઘાયલોને હોસ્પિટલમાં લઈ જવામાં આવ્યા છે.

Punjab | Explosion in Ludhiana District Court Complex, several feared injured

Details awaited.

— ANI (@ANI) December 23, 2021

સૂત્રોના જણાવ્યા અનુસાર કોર્ટમાં IED બ્લાસ્ટ થયો છે. કહેવામાં આવી રહ્યું છે કે, આ માટે ખૂબ જ ભારે વિસ્ફોટકોનો ઉપયોગ કરવામાં આવ્યો હતો. બ્લાસ્ટ થતાં જ કોર્ટ પરિસરમાં નાસભાગ મચી ગઈ હતી. પ્રત્યક્ષદર્શીઓના જણાવ્યા અનુસાર વિસ્ફોટ કોર્ટના બાથરૂમમાં થયો હતો. તેણે દાવો કર્યો છે કે, કોઈ વ્યક્તિ આવીને આ બ્લાસ્ટને અંજામ આપ્યો છે. હાલ ઘટનાસ્થળેથી ઘાયલોને હોસ્પિટલ લઈ જવામાં આવી રહ્યા છે.