ATM માં પૈસા મુકવા જતા કર્મચારીઓને મારી-મારીને ભૂત બનાવી બદમાશો 20 લાખ રોકડા લઈને થયા ફરાર

હરિયાણા (Haryana)ના સોનીપત (Sonipat)માં સાઈ બાબા મંદિર રોડ(Sai Baba Mandir Road) પર રોડ કિનારે ઉભેલા ત્રણ યુવકોએ પહેલા બાઇક સવાર બે યુવકોને રોક્યા હતા. તેઓએ તેમના પર લાકડીઓનો વરસાદ કર્યો અને પછી તેમની બેગમાં રાખેલા 20 લાખ રૂપિયા આંચકીને ભાગી ગયા. આ બંને શખ્સો અલગ-અલગ એટીએમ (ATM)માં ​​રોકડ મુકવા જતા હતા. આ સમગ્ર ઘટના સ્થળ પર લાગેલા સીસીટીવી કેમેરા (CCTV cameras)માં કેદ થઈ ગઈ હતી. ઘટનાની માહિતી મળતાં જ સોનીપતના અનેક પોલીસ સ્ટેશનોની પોલીસ અને ક્રાઈમ બ્રાન્ચ (Crime Branch)ની ટીમ ઘટનાસ્થળે પહોંચી ગઈ હતી.

વાસ્તવમાં, સોનીપતમાં ઘણી બેંકોના એટીએમમાં ​​પૈસા નાખવાનું કામ પ્રિન્સ પ્રાઇવેટ લિમિટેડને સોંપવામાં આવ્યું છે, જેના બે કર્મચારીઓ મુકિમપુર ગામના રહેવાસી છે. બાઇક પર સવાર બંને સેક્ટર-12 બાજુથી જઈ રહ્યા હતા, પરંતુ તેઓ સાંઈ બાબા મંદિર રોડ પર પહોંચ્યા કે તરત જ એક યુવક રોડ પર હુમલો કરવાની રાહ જોઈને બેઠો હતો. તેણે ચાલુ ગાડીની ચાવી કાઢી અને પછી અન્ય બે યુવકો ત્યાં પહોંચ્યા. બંનેએ તે કર્મચારીઓ પર લાકડીઓ વડે માર માર્યો હતો અને બેગમાં રાખેલા 20 લાખ રૂપિયા લઈને ફરાર થઈ ગયા હતા.

IPS મયંક ગુપ્તાએ જણાવ્યું કે ATMમાં કેશ મુકતા કર્મચારીઓ સાથે લૂંટની ઘટના સામે આવી છે. કર્મચારીઓ પાસેથી અંદાજે 20 લાખ રૂપિયાની લૂંટ કરવામાં આવી છે. બદમાશોને પકડવા માટે અનેક ટીમો બનાવવામાં આવી છે. હાલ પોલીસ દ્વારા આ અંગે વધુ તપાસ હાથ ધરવામાં આવી છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.