BREAKING NEWS: આમ આદમી પાર્ટીના પ્રદેશ અધ્યક્ષ ઝાડું છોડીને ભાજપમાં જોડાયા

હિમાચલ પ્રદેશ(Himachal Pradesh)માં પોતાનો દબદબો બનાવી રહેલી આમ આદમી પાર્ટી(AAP)ને ચૂંટણી પહેલા મોટો ઝટકો લાગ્યો છે. હિમાચલ પ્રદેશમાં આમ આદમી પાર્ટીના રાષ્ટ્રીય અધ્યક્ષ અરવિંદ કેજરીવાલ(Arvind Kejriwal)ના રોડ શોના બે દિવસ બાદ પાર્ટીના પ્રદેશ અધ્યક્ષે પાર્ટી છોડી દીધી છે.

આમ આદમી પાર્ટી હિમાચલ પ્રદેશના અધ્યક્ષ અનૂપ કેસરી, સંગઠન મહાસચિવ સતીશ ઠાકુર અને ઉના પ્રમુખ ઈકબાલ સિંહ શુક્રવારે બીજેપી પ્રમુખ જેપી નડ્ડાના રાજ્યમાં આગમનના કલાકો પહેલા ભાજપમાં જોડાઈ ગયા હતા. આ ત્રણેય નેતાઓ કેન્દ્રીય મંત્રી અનુરાગ ઠાકુરની હાજરીમાં ભાજપમાં જોડાયા છે. ત્રણેય ભાજપના રાષ્ટ્રીય અધ્યક્ષ જેપી નડ્ડાના નિવાસસ્થાને પાર્ટીમાં જોડાયા છે.

આ સાથે જ બીજેપી અધ્યક્ષ જેપી નડ્ડા પણ હિમાચલ પ્રદેશની ચાર દિવસીય મુલાકાતે જશે. તેમનો પ્રવાસ આજથી શરૂ થશે અને 12 એપ્રિલ સુધી ચાલશે. હાલમાં જ AAPના રાષ્ટ્રીય કન્વીનર અરવિંદ કેજરીવાલે હિમાચલ પ્રદેશમાં રોડ શો અને રેલી કરી હતી. આ રેલીમાં રાજ્યભરમાંથી હજારો સમર્થકો જોડાયા હતા.