સેનામાં ભરતી થઈને દેશની રક્ષા કરવાના સપના સેવી રહેલા ચાર મિત્રોને નડ્યો ભયંકર અકસ્માત- ચારેયના દર્દનાક મોત

હાલમાં જયારે કોરોના મહામારી ચાલી રહી છે ત્યારે આપને જણાવી દઈએ કે, કોરોના કરતાં પણ વધુ મોત માર્ગ અકસ્માતને લીધે થઈ રહ્યા છે. માર્ગ અકસ્માતની ઘટનામાં સતત વધારો થઈ રહ્યો છે ત્યારે હાલમાં પણ માર્ગ અકસ્માતની આવી જ એક ઘટનાને લઈ સમાચાર સામે આવ્યા છે. આ અકસ્માતમાં ચાર મિત્રોના દર્દનાક મોત થયા છે.

ચારેય મિત્ર એક જ બાઈક પર સવારી કરીને જઈ રહ્યા હતા. આ દરમિયાન હાઈવે પર સિમેન્ટની બેગથી ભરેલ પુરઝડપે આવી રહેલ ટ્રકે અડફેટે લેતા બાઈક તેમજ 4 મિત્રો નીચે પડી ગયા હતા, જેમની ઉપર ટ્રકના ટાયર ફરી વળતાં ચારેય મિત્રના ઘટનાસ્થળ પર મોત થયા હતાં.

આ ઘટના એટલી ભયાનક હતી તે એ વાત પરથી અંદાજ લગાવી શકાય છે કે, કલાકોની જહેમત પછી લાશોને બહાર કાઢવામાં આવી હતી. ઘટના સર્જીને ટ્રાઈવર ટ્રક છોડીને ફરાર થઈ ગયો હતો. આ અકસ્માતમાં ચારેય નાની ઉંમરના યુવાનોનાકરુણ મોત થયા છે. આ ચારેય યુવાનોના પરિવારજનોને આ સમાચાર મળતા આખા પરિવારના માથે દુઃખનો પહાડ તૂટી પડ્યો છે અને દરેક લોકો ગમગીન થયા છે.