SVPI એરપોર્ટને મળી વધુ એક સફળતા: ક્વોલિટી કન્સેપ્ટ કન્વેન્શનમાં એનાયત કરાયા 5 એવોર્ડસ

SVPI Airport awarded 5 awards: અમદાવાદ સ્થિત સરદાર વલ્લભભાઈ પટેલ ઈન્ટરનેશનલ એરપોર્ટે (SVPI)ને મુસાફરોને ઉત્કૃષ્ટ અનુભવ માટે આદરેલી પહેલોને એવોર્ડ એનાયત(SVPI Airport awarded 5 awards) થયો છે. ક્વોલિટી સર્કલ ફોરમ ઓફ ઈન્ડિયા દ્વારા આયોજિત અમદાવાદ ચેપ્ટર કન્વેન્શન ઓન ક્વોલિટી કોન્સેપ્ટ્સની સ્પર્ધામાં એરપોર્ટ ટીમોએ પ્રોજેક્ટ્સનું પ્રદર્શન કર્યું હતું. તેઓને Kaizen, 5S, અને Allied Conceptsની શ્રેણીઓમાં પાંચ સુવર્ણ પુરસ્કારોથી સન્માનિત કરવામાં આવ્યા હતા.

મુસાફરોના અનુભવને બહેતર બનાવવાના SVPI એરપોર્ટના સમર્પિત પ્રયત્નો અને અમલીકરણ સ્પર્ધામાં ધ્યાનાકર્ષણનું કેન્દ્ર બન્યા હતા. એરપોર્ટ સર્વશ્રેષ્ઠ સેવાઓ પ્રદાન કરવા અને પ્રવાસના અનુભવને સમગ્રતયા ઉન્નત બનાવવા સતત કાર્યરત છે.

એરપોર્ટે શરૂ કરેલી અનેકવિધ પહેલોને એવોર્ડ સમારંભમાં નવાજવામાં આવી હતી. જેમાં નવા F&B વિસ્તારમાં  ગટર વ્યવસ્થામાં સુધારાઓએ પણ મેદાન માર્યુ હતું. તદુપરાંત ઊર્જા-બચતની પહેલો જેમાં પર્યાવરણને અનુકૂળ રેફ્રિજન્ટ (R-410) સાથે રડાર બિલ્ડિંગમાં એર કન્ડીશનીંગ સિસ્ટમને અપગ્રેડેશન, અત્યંત કાર્યક્ષમ સેન્ટ્રીફ્યુગલ ચિલર અને ઉચ્ચ કાર્યક્ષમતા ધરાવતા કૂલિંગ ટાવર્સ ઇન્સ્ટોલ કરવાથી નોંધપાત્ર ઊર્જા બચત જેવા અભિગમોનો સમાવેશ થાય છે.