ગામમાં નીકળી 50 વાંઢાઓની જાન: ઢોલ-નગારા સાથે કલેકટર પાસે કરી ફરિયાદ – કહ્યું: ‘અમને કન્યા શોધી આપો…’

બુધવારે 21 ડિસેમ્બર, 2022 ના રોજ મહારાષ્ટ્રમાં 50 યુવકો વરરાજાના ડ્રેસમાં ઘોડી પર સવાર થઈને બેન્ડ, બાજા, બારાત સાથે કલેક્ટર ઓફિસ પહોંચ્યા. આ સમગ્ર શોભાયાત્રાનું આયોજન સ્થાનિક સંગઠન ‘દુલ્હન મોરચા’ દ્વારા કરવામાં આવ્યું હતું. આ કુંવારાઓને કન્યા નથી મળતી, એટલે આ તેમની જાન નીકળી હતી અને સરકારને અપીલ કરી છે કે અમારા માટે કન્યા તો શોધો.

આ વરરાજાઓએ તેમની માંગણીઓ અંગે કલેક્ટર કચેરીને એક મેમોરેન્ડમ સુપરત કર્યું હતું. આ મેમોરેન્ડમ વાસ્તવમાં રાજ્યમાં લિંગ ગુણોત્તર સુધારવા માટે પ્રી-કન્સેપ્શન એન્ડ પ્રિ-નેટલ ડાયગ્નોસ્ટિક ટેક્નિક (PCPNDT) એક્ટના કડક અમલીકરણની માંગ વિશે હતું. વાસ્તવમાં મહારાષ્ટ્રમાં સ્ત્રી પુરૂષ ગુણોત્તરની સ્થિતિ સારી નથી. નેશનલ ફેમિલી હેલ્થ સર્વે (2019-21) અનુસાર મહારાષ્ટ્રમાં 1,000 પુરૂષો દીઠ 920 સ્ત્રીઓનો લિંગ ગુણોત્તર છે .

 

View this post on Instagram

 

A post shared by Trishul News (@trishulnews)

આ જ કારણ છે કે અહીં રહેતા અનેક અપરિણીત લોકોએ કલેક્ટરને તેમના લગ્ન કરાવવા અને મેમોરેન્ડમમાં કન્યા શોધવાની અપીલ કરી હતી.સોલાપુર અને તેની આસપાસના જિલ્લાઓના ગ્રામીણ વિસ્તારોમાં મોટી સંખ્યામાં બેચલર્સ છે. આ લોકોને દુલ્હન નથી મળી રહી અને આગળના લગ્ન માટે તેમની ઉંમર વટાવી રહી છે. આ લોકોનું માનવું છે કે આ વિસ્તારમાં છોકરીઓની સંખ્યા ઓછી હોવાને કારણે આવું થઈ રહ્યું છે. જેના કારણે આ લોકો સ્થાનિક સંગઠનના બેનર હેઠળ કલેક્ટર ઓફિસ પહોંચ્યા હતા.