May 04, 2024
કોઈ નેતા કે પછી અન્ય મહત્વપૂર્ણ લોકોની સુરક્ષા માટે તમે સૈનિકો સુરક્ષા આપી રહ્યા હોય તેવું તમે જોયું હશે પરંતુ શું તમે જાનવરોની સુરક્ષા માટે સૈનિકો સુરક્ષા આપે તેવું તમે જોયું છે? હવે આ ખાસ પ્રકારના હાથીને પણ સૈનિકો દ્વારા હથિયાર લઈને સુરક્ષા આપવામાં આવી રહી છે. હા,આ વાત એકદમ સાચી છે.કોઈ નેતા કે મહાન વ્યક્તિ નહીં પરંતુ હાથી ની સુરક્ષા સૈનિકો કરી રહ્યા છે.
હકીકતમાં, શ્રીલંકાની સરકારે હાથીની સુરક્ષા માટે સશસ્ત્ર માણસો તૈનાત કરવાનો નિર્ણય લીધો છે. તમને જણાવી દઈએ કે,આ હાથીનું નામ નંદુંગામુવા રાજા છે જેની ઊંચાઈ લગભગ 10.5 ફૂટ છે. તે શ્રીલંકામાં સૌથી મોટો પાળેલું હાથી છે, જે 65 વર્ષની વયે પહોંચી ગયો છે.
Trending News
શ્રીલંકાની સરકાર દ્વારા નંદુંગામુવાની સુરક્ષા નક્કી કરવામાં આવી છે કારણ કે,તે ત્યાંના પરંપરાગત તહેવારો દરમિયાન ઘણા મુખ્ય રસ્તાઓમાંથી પસાર થાય છે. આ સમય દરમિયાન કોઈએ તેમને નુકસાન ન પહોંચાડવું જોઇએ, તેથી સરકારે તેની સુરક્ષા માટે એક લશ્કર ગોઠવ્યું છે.
નંદનગામુવા હાથીની સલામતી અંગે તેના માલિકે જણાવ્યું હતું કે,વર્ષ 2015 ની એક ઘટના દરમિયાન હાથી બાઇક સાથે ભટકાતા-ભટકાતા રહી ગયો હતો. ઘટનાનો આ વીડિયો જોયા પછી, સરકારે તેના માલિકનો સંપર્ક કર્યો અને સંપૂર્ણ સુરક્ષા પૂરી પાડવાની ખાતરી આપી. સૈનિકોની સાથે હાથીને કાબૂમાં રાખવા માટે સરકારે બે મહાવતની પણ નિમણૂક કરી છે.
નંદનગામુવા હાથી ત્યાં એટલા માટે પ્રખ્યાત છે કે,તે થોડા એવા હાથીઓમાંનો છે જે દર વર્ષે ભગવાન ગૌતમ બુદ્ધના અવશેષો સાથેનો ખાડો તાંચિના બૌદ્ધ મંદિરમાં પહોંચાડે છે.
આ હાથી ને બૌદ્ધ મંદિર તરફ જવા માટે,હાથીને ઓગસ્ટમાં દર વર્ષે 90 કિ.મી.નો પ્રવાસ કરવો પડે છે. આ કાર્યક્રમમાં 100 જેટલા હાથીઓ ભાગ લે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
