હનુમાન જયંતિ- આજના દિવસે ભૂલથી પણ નહિ કરતા આ કામ, નહીતર નારાજ થઇ જશે દાદા

હનુમાન જયંતિનો તહેવાર ચૈત્ર માસના શુક્લ પક્ષની પૂર્ણિમાના દિવસે ઉજવવામાં આવે છે. આ દિવસે હનુમાનજીની પૂજા કરવાથી દરેક મુશ્કેલી દૂર થઈ શકે છે. હનુમાન ખૂબ જ દયાળુ અને શક્તિશાળી છે અને તેમની થોડી કૃપાથી તમારું જીવન ખુશીઓથી ભરી શકે છે. જ્યાં બજરંગબલી દયાળુ બને છે ત્યાં સંપત્તિનો ભંડાર ક્યારેય ખાલી થતો નથી. પરંતુ તેમની પૂજામાં થોડી ભૂલ મોટી પરેશાનીઓને આમંત્રણ આપી શકે છે.

ચરણામૃતઃ- હનુમાનજીની પૂજા કરનારા ઘણા લોકો નથી જાણતા કે તેમની પૂજામાં ક્યારેય ચરણામૃતનો ઉપયોગ થતો નથી. આમ કરવાથી અનેક અશુભ પરિણામો આવી શકે છે.

સ્ત્રીઓનો સ્પર્શઃ- હનુમાનની પૂજા કરતી વખતે બ્રહ્મચર્ય વ્રતનું ચુસ્તપણે પાલન કરવું જોઈએ. બાળ બ્રહ્મચારી હોવાને કારણે હનુમાન પોતે સ્ત્રીઓના સ્પર્શથી દૂર રહેતા હતા. તેથી પૂજા દરમિયાન મહિલાઓએ તેની મૂર્તિને સ્પર્શ ન કરવો જોઈએ.

સુતક કાળઃ- બહુ ઓછા લોકો જાણે છે કે, સુતક કાળમાં હનુમાનજીની પૂજા ન કરવી જોઈએ. જ્યારે ઘરમાં વ્યક્તિનું મૃત્યુ થાય છે ત્યારે સુતકનો સમયગાળો માનવામાં આવે છે. આ સૂતક વ્યક્તિના મૃત્યુના 13 દિવસ સુધી માન્ય છે.