માસ પ્રમોશનથી ખુશી માતમમાં ફેરવાઈ: સુરતમાં ધોરણ 12માં ભણતા વિદ્યાર્થીનો મૃતદેહ બાથરૂમમાંથી મળી આવ્યો-done

તાજેતરમાં સુરતના અલથાણામાંથી ધોરણ-12માં ભણતા એક વિદ્યાર્થીનું શંકાસ્પદ રીતે મોત નીપજતા પળવારમાં સમગ્ર પરિવારમાં શોકનો માહોલ છવાયી ગયો છે. આ વિદ્યાર્થીના પિતા ટ્રાન્સપોટરના વેપારી છે. પુત્ર શુક્રવારની રાત્રે બાથરૂમમાંથી બેભાન અવસ્થામાં મળી આવ્યાં બાદ ખાનગી હોસ્પિટલમાં દાખલ કરવામાં આવ્યો હતો.

જ્યાં 3 કલાકની ટૂંકી સારવાર બાત તે મોતને ભેટ્યો હતો. હાલ પોલીસ દ્વારા મૃત્યુનું સાચુ કારણ જાણવા પોસ્ટ મોર્ટમની દિશામાં તપાસ હાથ ધરવામાં આવી છે. તેના પિતાને કોરોના થયો હોવાથી 14 દિવસ અઈસોલેશનમાં રહ્યા બાદ 30મેં ના રોજ ઘરે પરત આવ્યા હતા.

આ અંગે મૃતકના પિતા સુરેન્દ્ર શર્માએ જણાવ્યું હતું કે, લલિત ધોરણ-12માં અભ્યાસ કરતો હતો. હાલ બધાને માસ પ્રમોશન મળ્યુ હોવાથી લલિત પણ ખૂબ જ ખુશ હતો. ગઈકાલે સાંજે લલિત ઘરના બાથરૂમમાં ગયા બાદ કંઈ અવાજ આવ્યો હતો જેથી તેના નાના ભાઈએ બાથરૂમનો દરવાજો ખખડાવી એની સાથે વાત કરવાનો પ્રયાસ કર્યો હતો.

આ દરમિયાન અંદરથી કોઈ જવાબ ન મળતા બુમાબુમ કરી તમામને ભેગા કરી દીધા હતાં. આ દરમિયાન પડોશીઓ તાત્કાલિક દોડી આવ્યા હતા અને બાથરૂમની વેન્ટિલેટરની બારી તોડી એક નાના બાળકને બાથરૂમમાં ઉતારી અંદરથી દરવાજો ખોલાવ્યો હતો.