બ્રિજ નીચેથી મળી આવી ત્યજી દીધેલ નવજાત બાળકીનો મૃતદેહ- જાણો ક્યાંની છે હિચકારી ઘટના

ભરુચ(ગુજરાત): ગઈ કાલે સાંજના સમયે ભરૂચની નર્મદા નદી પરના કેબલ બ્રિજ નીચેથી 2 થી 3 દિવસ પહેલા જ જન્મેલ નવજાત બાળકીનો બેહાલ અવસ્થામાં મૃતદેહ મળી આવતા સમગ્ર વિસ્તારમાં ચકચાર મચી જવા પામી છે. ભરૂચ પોલીસે આ ઘટના અંગે તપાસ હાથ ધરી હતી.

ઘણા લોકો ભરૂચ નર્મદા નદી પરના કેબલ બ્રિજ પર હરવા ફરવા આવતા હોય છે. ત્યારે 2 વ્યક્તિને એક બાળકીનો મૃતદેહ મળી આવ્યો હતો, હાલમાં જ બાળકી જન્મી હોવાનું અનુમાન લગાવામાં આવી રહ્યું હતું. બાળકીને ગંભીર અવસ્થામાં જોતા લોકોમાં ભયનો માહોલ ઉભો થયો હતો. તેના માતા પિતા કોન છે ? બાળકીની આવી હાલત કોણે કરી? તેવા અનેક સવાલો ઉભા થતા હોબાળો મચી ગયો હતો.

બાળકીને ગંભીર અવસ્થામાં જોઈને આસપાસ ઉભેલા લોકોએ તરત જ ભરૂચ પોલીસને જાણ કરી હતી. પોલીસનો કાફલો તરત જ ઘટના સ્થળ પર પહોંચી આવ્યો હતો. પોલીસે તરત જ બાળકીનાં મૃતદેહને પોસ્ટમોર્ટમ માટે હોસ્પિટલમાં ખસેડવામાં આવી હતી અને તેના માતા પિતાની શોધખોળ શરૂ કરી હતી.