ગુજરાત: ફૂલ સ્પીડમાં જતી સ્કોર્પિયોએ ફિલ્મી ઢબે હવામાં ફંગોળાઇ અને કાર અને ઇકોને મારી ટક્કર: પિતા-પુત્રનું મોત

ભારતમાં દિવસે ને દિવસે અકસ્માતના બનવો વધી રહ્યા છે. અકસ્માત દરમિયાન લાખો લોકો પોતાનો જીવ ગુમાવી રહ્યા છે. મંગળવારે બપોરે ગુજરાતના પાલનપુર-અંબાજી હાઇવે પર જલોત્રા નજીક થુર ગામના પાટીયા પાસે સ્કોર્પિયો ચાલકે કાબુ ગુમવતાં અલ્ટોકાર અને ઇકો ગાડી સાથે અથડાઇ હતી. અલ્ટો કારમાં સવાર ખેડબ્રહ્મા શ્યામનગરના પિતા-પુત્રનું ઘટનાસ્થળે જ મોત નિપજ્યું હતુ. જ્યારે 6 લોકોને ઇજા થઈ હતી.

સ્કોર્પિયો ચાલકે કાબુ ગુમવતાની સાથે પાલનપુરથી દાંતા તરફ જઇ રહેલી અલ્ટો કાર અને ઇકો સાથે ગંભીર રીતે અથડાઇ હતી. આ અકસ્માત એટલો ગંભીર હતો કે તેમાં 3 વાહનોના આગળના ભાગનો કુચો બોલી ગયો હતો. જેમાં અલ્ટો કારમાં સવાર નિવૃત શિક્ષક અને તેમનો શિક્ષક પુત્રનું ઘટનાસ્થળે જ દર્દનાક મોત થયું હતુ. જ્યારે ઇકો અને સ્કોર્પિયોમાં સવાર 6 વ્યકિતઓને ઈજાગ્રસ્ત થયેલા તમામ દર્દીને પાલનપુરની હોસ્પિટલમાં ખસેડવામાં આવ્યા હતા.