November 24, 2024
સુરત(ગુજરાત): સુરત શહેરમાં માનવતા પર કલંક સમાન બનાવ જોવા મળ્યો છે. સુરતના હજીરા વિસ્તારની હોવાનું જણાવવામાં આવી રહ્યું છે. પ્રાણી પ્રેમીઓમાં એક ટ્રક ચાલકની ક્રૂરતાને લઈ રોષ જોવા મળી રહ્યો છે. ગાયને પોતાની ટ્રક નીચે એટલી હદે ઢસડી કે, ગાયનું દર્દનાક મોત થયું હતું. સમગ્ર ઘટના સીસીટીવીમાં કેદ થતા વીડિયો સોશિયલ મીડિયામાં વાઇરલ થયો છે.
એક માનવી બીજા માનવીની હત્યા કરતો હોવાની અનેક ઘટનાઓ જોવા મળી છે. ત્યારે સુરતના છેડા પર આવેલા હજીરા વિસ્તારના મોરા ગામ નજીક એક દુ:ખત ઘટના જોવા મળી છે. જે જાણીને ભલભલાના રૂવાટા ઉભા થઈ જાય છે. આ વિસ્તારમાં રસ્તે રખડતી ગાયો રાત્રે રોડ પર બેસતી હોય છે. મોટા પ્રમાણમાં આ વિસ્તારમાં ટ્રકો પસાર થતા હોય છે, ત્યારે ગઈ કાલે એક ટ્રક ચાલકને ગામ બહાર રસ્તા પર બેસેલી ગાય પર એટલી હદે ગુસ્સો આવ્યો કે, ગાય પર ટ્રક ચઢાવી દીધો હતો.
Trending News
આ ગાય ટ્રકના પાછલા ટાયરમાં આવી ગઈ હતી. ટ્રક ચાલક આ ગાયને 200 મીટર કરતા વધુ પોતાની ટ્રક સાથે ઘસડીને લઈ ગયો હતો. આખરે ઘટનાસ્થળે ગાયનું દર્દનાક મોત થયું હતું. સ્થાનિક લોકોએ આખી ઘટના નજીકના સીસીટીવીમાં કેદ થઈ જતાં આ વીડિયો સોશિયલ મીડિયામાં વાઇરલ કર્યો છે, જેને કારણે પ્રાણી પ્રેમીઓમાં રોષ જોવા મળ્યો છે.
સુરતની પોલીસે સીસીટીવીના આધારે આ મામલે ગુનો નોંધી તપાસ શરુ કરી છે. આ વિસ્તારમાં ઘણી વખત ટ્રકની અડફેટે લોકોના મોત થઈ રહ્યા છે, ત્યારે હવે માણસ તો ઠીક પણ જાનવરોને પણ આ ટ્રક ચાલકો બેરહમીથી પોતાની અડફેટે લેતા હોવાની આ ઘટના નજરે ચડી છે. જેને કારણે સમગ્ર વિસ્તારના લોકોમાં હોબાળો સાથે રોષની લાગણી જોવા મળી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.