November 25, 2024
રાજ્યમાં આગની અનેક ઘટનાઓ સામે આવતી હોય છે, ત્યારે આજે અમદાવાદમાં એક ભીષણ આગના સમાચાર વાયુવેગે પ્રસરતા વિસ્તારમાં અરેરાટી વ્યાપી ગઇ હતી. અમદાવાદના ગોતા પાસે આવીલા જગતપુર પાસે આવેલા ગણેશ જીનેસિસ ફ્લેટમાં છઠ્ઠા માળે ઘરમાં આગ લાગી છે. આ ઘટનામાં 20થી 25 લોકો ફસાયા હોવાનું અનુમાન છે.
આગની ઘટનાની જાણ સ્થાનિક લોકોએ પોલીસ અને ફાયર બ્રિગેડને કરી હતી. ફાયર બ્રિગેડને આગનો કોલ મળતા ઘટના સ્થળે પહોંચવા 5 ફાયર બ્રિગેડની ગાડીઓ અને સ્નોરેકલ ઘટના સ્થળે રવાના થયા છે.
Trending News
આ ઘટનામાં જાણવા મળી રહ્યું છે કે, ગણેશ જીનેસિસ ફ્લેટમાં છઠ્ઠા માળે ઘરમાં બાટલો ફાટવાના કારણે આગ લાગી છે. આ ઘટનામાં એવું પણ જાણવા મળી રહ્યું છે કે, આ બિલ્ડિંગને બીયૂ પરમિશન નહોતું.
