November 24, 2024
હાલમાં વર્જિનિટી ટેસ્ટ અને રિપેર કરાવવાના મુદ્દે ફરી એકવાર જોર પકડ્યું છે. આ વખતે બ્રિટિશ ડોક્ટરો કહે છે કે, જ્યાં સુધી ‘વર્જિનિટી રિપેર’ ના નામે બનાવટી ઓપરેશન બંધ નહીં થાય, ત્યાં સુધી વર્જિનિટી ટેસ્ટ પર કાયદો બનાવવાનો કોઈ ફાયદો નથી. રોયલ કોલેજ ઓફ ઓબ્સ્ટેટ્રિશિયન્સ એન્ડ ગાયનેકોલોજિસ્ટ્સ એ સરકારને ચેતવણી આપી છે.
વર્જિનિટી રિપેર સર્જરી પર કડક પ્રતિબંધની માંગ કરી છે. અહીં નોંધનીય છે કે, ગયા મહિને સંસદસભ્યોની સમિતિએ કેટલાક ખાનગી ક્લિનિક્સ દ્વારા લેવાતી વર્જિનિટી ટેસ્ટને ગુનાહિત બનાવવાની માંગણી કરતો ઠરાવ રજૂ કર્યો હતો. ડોક્ટરોનું કહેવું છે કે, એક તરફ સરકાર વર્જિનિટી ટેસ્ટને લઈ કાયદો બનાવવાનો દાવો કરી રહી છે.
જયારે બીજી બાજુ ‘રિજિટ વર્જિનિટી’ની પ્રક્રિયા પર કોઈ પ્રતિબંધ નથી. વર્જિનિટી રિપેર સર્જરીમાં, યોનિની ચામડીનો એક સ્તર રિપેર કરવામાં આવે છે જેથી હાઇમેન તૂટેલું ન દેખાય. આ સર્જરીને હાઇમેનોપ્લાસ્ટી કહેવામાં આવે છે. મોટાભાગની છોકરીઓ અને સ્ત્રીઓને તેમના માતાપિતા અથવા સંબંધીઓ દ્વારા હાયમેનોપ્લાસ્ટી કરવામાં આવે છે જેથી તેઓ સંપૂર્ણપણે કુંવારી દેખાય.
Trending News
વર્ષ 2020 માં 22 આવા ખાનગી ક્લિનિક્સ જાહેર કર્યા કે, જે વર્જિનિટી રિપેર સર્જરીના નામે ભારે ફી લે છે. એક વર્ષમાં, અહીં લગભગ 9,000 લોકોએ ગૂગલ પર હાઇમેનોપ્લાસ્ટી અને તેનાથી સંબંધિત માહિતી શોધી. રોયલ કોલેજ ઓફ ઓબ્સ્ટેટ્રિશિયન્સ એન્ડ ગાયનેકોલોજિસ્ટ્સનું કહેવું છે કે, જો વર્જિનિટી રિપેરની પ્રક્રિયા બંધ નહીં થાય તો વર્જિનિટી ટેસ્ટ રોકવાના પ્રયાસો વ્યર્થ જશે.
હાઇમેનોપ્લાસ્ટી અને કુમારિકા પરીક્ષણ બંને હાનિકારક પ્રથાઓ છે કે, જે સામાજિક, સાંસ્કૃતિક અને રાજકીય મૂલ્યોને કલંકિત કરવાનું કામ કરે છે. તેઓ મહિલાઓના અગાઉના જાતીય સંબંધો વિશે ખોટી માહિતી આપે છે. હાઇમેનોપ્લાસ્ટી પર પ્રતિબંધ વિના વર્જિનિટી ટેસ્ટિંગ પર પ્રતિબંધનો કોઈ ફાયદો નથી.
કારણ કે, બંને પદ્ધતિઓ એકબીજા સાથે જોડાયેલ છે. RCOG એ સમજાવ્યું કે, હાઇમેન રક્તકણોના પટલ જેવું છે. સામાન્ય રીતે પ્રથમ વખત સંભોગ કર્યા પછી રક્તસ્રાવ થાય છે અને તે તૂટી ગયા પછી ફરીથી રક્તસ્રાવ થતો નથી. તે જ સમયે, ડબ્લ્યુએચઓ સ્પષ્ટપણે કહે છે કે, હાયમને હંમેશા સંભોગ સાથે જોડી શકાય નહીં અને કુમારિકા પરીક્ષણ માનવ અધિકારોનું ઉલ્લંઘન છે.
IKWRO મહિલા અધિકાર સંગઠનની એક્ઝિક્યુટિવ ડિરેક્ટર ડાયના નમ્મીએ જણાવ્યું હતું કે, હાઇમેનોપ્લાસ્ટી એ મહિલાઓ અને છોકરીઓ સામે હિંસાનું એક સ્વરૂપ છે. આ એક હાનિકારક પ્રથા છે કે, જે બળજબરીથી લગ્નને પ્રોત્સાહન આપે છે.
એક યુવતી જણાવે છે કે, ‘મહિનાઓ સુધી, મને ટોણા આપવામાં આવ્યા હતા. એક દિવસ મારી માતાએ કહ્યું કે તમે જે શરમજનક બાબત કરી છે તેને હું ઠીક કરી દઈશ. તેમણે કહ્યું કે એક સર્જરી છે, જે પછી તમે ફરી કુંવારી બનશો. મારા પિતાએ પણ ખાતરી આપી હતી કે સર્જરી પછી બધું બરાબર થઈ જશે. મારી માતાએ ટીશ્યુ પેપર દ્વારા સમજાવ્યું કે કેવી રીતે ડોક્ટરો સંભોગ પછી પણ નકલી હાઇમેન બનાવે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.