November 24, 2024
ગુજરાત(Gujarat): રાજ્યમાં ગઈ 12મી ડિસેમ્બરના રોજ યોજાયેલી હેડ ક્લાર્કની પરીક્ષા(Head Clerk Exam)નું પેપર 3 દિવસ પહેલા જ લીક થઈને કેટલાક લોકો સુધી સર્ક્યુલેટ થયું હતું. ત્યારે સાણંદના પ્રિન્ટિંગ પ્રેસમાંથી પેપર લીક થયું હતું. આ બનાવમાં 11 લોકોની પોલીસ દ્વારા ધરપકડ કરવામાં આવી છે.
ત્યારે આ પેપર લીક કેસ મામલે આમ આદમી પાર્ટી(AAP) ગુજરાતના નેતાઓ અને કાર્યકરો ભાજપના પ્રદેશ કાર્યાલય કોબા કમલમ ખાતે ઉગ્ર વિરોધ પ્રદર્શન કરવા માટે પહોંચ્યા હતા. જો કે, પોલીસે આમ આદમી પાર્ટીના કાર્યકર્તાઓ અને નેતાઓ તેમની ટીંગાટોળી કરીને અટકાયત કરી હતી. તો પોલીસે કેટલાક આમ આદમી પાર્ટીના નેતાઓ પર ડંડાઓ વરસાવ્યા હતા.
આ દરમિયાન કવરેજ કરવા માટે પહોંચેલા વિવિધ સંસ્થાઓના મીડિયા કર્મચારી સાથે પોલીસ દ્વારા ગેરવર્તણૂક કરવામાં આવી હતી. મીડિયા કર્મચારીઓ સાથે પહેલા શાબ્દિક ટપાટપી પછી પોતાની સાહેબ ગીરી અને તુમાખી દર્શાવતા પોલીસ દ્વારા મીડિયા કર્મચારીઓને પોલીસ વાનમાં બેસાડી દેવામાં આવ્યા હતા. નોંધનીય છે કે, આમ આદમી પાર્ટીના કાર્યકર્તાઓ પર લુખ્ખાગીરી કરીને પણ હજુ નહિ થાકેલી પોલીસની ટીમોએ આખરે પોતાનો ગુસ્સો અને સાહેબ ગીરી મીડિયા કર્મચારીઓ પર ઠાલવ્યો હતો. મહીલા પોલીસ કર્મચારીઓ દ્વારા પત્રકારો સાથે દાદાગીરીનો પ્રયાસ કરવામાં આવ્યો હતો.
Trending News
અત્રે નોંધનીય છે કે, આમ આદમી પાર્ટીનો આક્ષેપ છે કે પોલીસે કમલમ ખાતે પણ એક તરફી કાર્યવાહી કરતા ખુલ્લે આમ લુખ્ખાગીરી કરી હતી. ગાંધીનગર પોલીસે આમ આદમી પાર્ટીના કાર્યકરો સાથે લુખ્ખાગીરી કરીને તેમને દોડાવી દોડાવીને માર માર્યા ઉપરાંત મહિલાઓ સાથે પણ ગેરવર્તણુંક કરી હોવાનું સામે આવ્યું હતું. સત્તાના મદમાં આંધળી બનેલી ગાંધીનગર પોલીસે આમ આદમી પાર્ટીના નેતાઓ અને કાર્યકર્તાઓ સાથે ગેરવર્તણુંક કરીને નહી થાકતા મીડિયા સાથે પણ ગેરવર્તણુંક કરી હતી. ગુજરાત પોલીસને સરકાર દ્વારા જાણે લુખ્ખાગીરીની જવાબદારી સોંપી હોય તેવી રીતે લુખ્ખાગીરી પર ઉતરી આવી હતી.
મળતી માહિતી અનુસાર, પેપર લીક કોભાંડના વિરોધમાં આમ આદમી પાર્ટીનો અને યુથ વીંગ દ્વારા ભારતીય જનતા પાર્ટીના કાર્યાલય કમલમને ધેરવાનો પ્રયાસ કરવામાં આવ્યો છે. જેમાં આમ આદમી પાર્ટીના નેતા ઇસુદાન ગઢવી, ગોપાલ ઇટાલિયા, પ્રવીણ રામ,મનોજ સોરઠીયા સહિતના નેતાઓ આ વિરોધ પ્રદર્શનમાં સ્થળ પર જ હાજર રહ્યા હતા.
આમ આદમી પાર્ટીના યુથ વિંગના પ્રમુખ પ્રવીણ રામ તેમજ નિખિલ સવાણી સહિત યુથ વિંગના ગુજરાત લેવલના હોદેદારો આ ઉગ્ર વિરોધમાં જોડાયા હતા. પેપર કાંડ મુદ્દે અસિત વોરાને એમના પદ પરથી હટાવવા આમ આદમી પાર્ટી ખુબ જ માંગ કરી રહ્યા છે. માત્ર એટલું જ નહીં, ભરતીમાં સંડોવાયેલા તમામ લોકો પર કાયદેસરની કાર્યવાહી કરવામાં આવે અને અટકી પડેલી તમામ ભરતીઓ પૂર્ણ કરવામાં આવે તે પ્રકારની માંગ કરવામાં આવી રહી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.