November 05, 2024
હરિયાણા માંથી ચોંકાવનારી ઘટના સામે આવી છે. હરિયાણાની એક નહેરમાં બી.એમ.ડબલ્યુ કાર તરતી જોઈને, લોકો ચોંકી ઉઠયા હતા. શરૂઆતમાં તો લાગ્યું કે, કોઈ નો અકસ્માત થયું છે. પરંતુ કારમાં જોયું તો કોઈ વ્યક્તિ અંદર હતું નહીં. કોઇ જાણી શકતું નહોતું કે કાર નહેરમાં કેવી રીતે પડી. જ્યારે યોગ્ય કારણ સામે આવ્યું, ત્યારે સાંભળીને લોકોની આંખો ફાટી ને ફાટી રહી ગઈ હતી.
મળતી માહિતી અનુસાર આ ઘટના હરિયાણા યમુનાનગરની છે. યમુનાનગરની એક નહેરમાં ૫૦ લાખની બી.એમ.ડબલ્યુ નહેરમાં તરતી જોઈને લોકોની આંખો ફાટી ગઈ હતી. ખરેખર આ કોઈ અકસ્માત ન્હોતો, પરંતુ કરોડપતિ બાપના દીકરાએ જ કારને નહેરમાં ફેંકી દીધી હતી.
મળતી માહિતી અનુસાર, આકાશ નામના યુવકના જન્મદિને તેના પિતાએ 50 લાખની બી.એમ.ડબલ્યુ કાર ગિફ્ટ કરી હતી. પરંતુ આકાશને બી.એમ.ડબલ્યુ નહીં પરંતુ જેગુઆર ગાડીનો મોહ હતો. આકાશને આશા હતી કે તેના પિતા તેને જેગવાર ગાડી ગિફ્ટ કરે. પરંતુ બી.એમ.ડબલ્યુ ગિફ્ટ કરતા આકાશ દુઃખી થઈ ગયો હતો.
Trending News
રોષે ભરાયેલા આકાશે, કઈ પણ વિચાર્યા વગર પિતાએ 50 લાખની ગિફ્ટ કરેલી બી.એમ.ડબલ્યુને નાળીયામાં ફેંકી દીધી હતી. આટલું જ નહી આ ઘટનાનો એક વીડિયો પણ બનાવ્યો હતો અને સોશિયલ મીડિયામાં ફરતો કર્યો હતો.
આકાશે વીડિયો બનાવીને તેના માતા-પિતાને પણ મોકલ્યો હતો, વિડીયો જોતા જ માતા-પિતાના પગ તળેથી જમીન સરકી ગઈ હતી. થોડા સમય બાદ આકાશમાં ગુસ્સો શાંત થયો ત્યારે, તેણે જ બચાવ ટીમને બોલાવી અને કારને શહેર માંથી બહાર કઢાવી. એક જીદના કારણે કરોડપતિ બાપના દીકરાએ, થોડું પણ વિચાર્યા વગર ૫૦ લાખની કાર નહેરમાં ફેંકી દીધી હતી. હાલ સોશિયલ મીડિયામાં આ ઘટના વાયરલ થતા ચર્ચાનો વિષય બની છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.