November 02, 2024
બિહાર (Bihar) માં મહાગઠબંધન સહિત કેટલાક પક્ષોએ ઘણા વિદ્યાર્થી સંગઠનો વતી બિહાર બંધના એલાનને સમર્થન આપ્યું છે. બિહારમાં RRB-NTPC પરીક્ષાના પરિણામોમાં ગોટાળાના આરોપને લઈને વિદ્યાર્થીઓનો વિરોધ ચાલુ છે.
જાણવા મળ્યું છે કે, જન અધિકારી પાર્ટીના લોકો એફઆઈઆરના વિરોધમાં અને વિરોધ કરી રહેલા વિદ્યાર્થીઓ પર મારપીટના વિરોધમાં વૈશાલીના હાજીપુરમાં ગાંધી સેતુ હાઈવે પર જાધુઆ નજીક વિરોધ કરી રહ્યા છે. જેના કારણે ગાંધી સેતુ હાઇવે પર વાહનોની લાંબી કતારો લાગી હતી. મળતી માહિતી અનુસાર RRB અને NTPC પરિણામમાં ગોટાળાના આરોપના વિરોધમાં RJD અને જન અધિકાર પાર્ટીએ સંયુક્ત રીતે બંધ પાળ્યો છે.
આ દરમિયાન હાજીપુરના કાર્યકરોએ જન અધિકાર પાર્ટી દ્વારા રોડ પર ટાયરો સળગાવીને રોડ બ્લોક કર્યો હતો. જેના કારણે મહાત્મા ગાંધી સેતુ પુલ પરનો વાહનવ્યવહાર સંપૂર્ણ ઠપ થઈ ગયો છે. તે જ સમયે, RJD વિધાનસભ્ય મુકેશ રોશને તેમના કાર્યકરો સાથે હાજીપુર રામાશીશ ચોકમાં ટાયરો સળગાવીને રસ્તો બ્લોક કર્યો હતો.
Trending News
મહાત્મા ગાંધી સેતુ પુલ પર અને રામાશીશ ચોકમાં બંને જગ્યાએ ટાયરો સળગાવીને રોડ જામ કરવાને કારણે બિહારની રાજધાની પટનાથી ઉત્તર બિહારનો સંપર્ક પણ સંપૂર્ણપણે તૂટી ગયો છે. જાણવા મળ્યું છે કે, વૈશાલી પોલીસ દરેક જગ્યાએ હાજર રહીને અટકાયત કરાયેલા લોકોને શાંતિપૂર્ણ બનાવવાનો પ્રયાસ કરી રહી છે. તે જ સમયે, સેંકડો RJD કાર્યકર્તાઓએ કેન્દ્ર સરકાર અને બિહાર સરકાર વિરુદ્ધ નારા લગાવ્યા હતા.
જાણવા મળ્યું છે કે, તે જ દરમિયાન ભગવાનપુરમાં આરજેડી મંત્રી મંજુ સિંહ રસ્તા પર ઉતરી આવ્યા છે અને રસ્તો રોક્યો છે. તેમનું કહેવું છે કે, વિદ્યાર્થીઓ સાથેના ગેરવર્તણૂકના વિરોધમાં રસ્તો બ્લોક કરવામાં આવી રહ્યો છે. તેમણે વિદ્યાર્થીઓ સામેની FIR વહેલી તકે પાછી ખેંચવાની માંગ કરી છે. આ સાથે સરકારે વિદ્યાર્થીઓ સાથે વાત કરીને તેમની સમસ્યાઓનો ઉકેલ લાવવાનો પ્રયાસ કરવો જોઈએ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.