November 24, 2024
અમેરિકામાં રહેલા ગ્લોબલ લીડર અપરુવલ ટ્રેકર મોર્નિંગ કન્સલ્ટએ (Morning Consult) વિશ્વના નેતાઓનો એપ્રુવલ રેટિંગ બહાર પાડ્યું છે. આ રેટિંગમાં વડાપ્રધાન નરેન્દ્ર મોદી (Narendra Modi Approval Rating) સૌથી વધુ રેટિંગ ધરાવતા નેતા બન્યા છે. તેઓ 75% એપ્રુવલ રેટિંગ સાથે વિશ્વના સૌથી લોકપ્રિય નેતા બન્યા છે. 18 માર્ચે, મોર્નિંગ કન્સલ્ટ પોલિટિકલ ઈન્ટેલિજન્સે (Morning Consult Political Intelligence) તેનો નવીનતમ ડેટા જાહેર કર્યો. તેમાં કહેવામાં આવ્યું છે કે 13 દેશોના નેતાઓમાં પીએમ મોદીનું એપ્રુવલ રેટિંગ સૌથી વધુ છે.
આ રિસર્ચ દરમિયાન આપણને જાણવા મળે છે કે વડાપ્રધાન નરેન્દ્ર મોદીની લોકપ્રિયતા કેટલી વધી રહી છે. સર્વેમાં PM મોદી વિશ્વના 13 નેતાઓમાં 77 ટકા એપ્રુવલ રેટિંગ સાથે ટોચ પર છે. ત્યારબાદ મેક્સિકોના એન્ડ્રેસ મેન્યુઅલ લોપેઝ ઓબ્રાડોર આવે છે, જેમની પાસે 63 ટકાનું એપ્રુવલ રેટિંગ છે. આ યાદીમાં પાકિસ્તાનના વડાપ્રધાન ઇમરાન ખાનને ક્યાય સ્થાન આપવામાં આવ્યુ નથી.
Global Leader Approval: Among All Adults https://t.co/wRhUGsLkjq
Modi: 77%
López Obrador: 63%
Draghi: 54%
Scholz: 45%
Kishida: 42%
Trudeau: 42%
Biden: 41%
Macron: 41%
Morrison: 41%
Moon: 40%
Bolsonaro: 39%
Sánchez: 38%
Johnson: 33%*Updated 03/17/22 pic.twitter.com/jELxQgEsLE
— Morning Consult (@MorningConsult) March 18, 2022
Trending News
ઇટાલીની મારિયા ડ્રેગીનું એપ્રુવલ રેટિંગ 54 ટકા છે. તે જ સમયે, જાપાનના Fumio કિશિદાને 45 ટકાનું એપ્રુવલ રેટિંગ મળ્યું છે. પીએમ મોદીનું નામંજૂર રેટિંગ પણ સૌથી ઓછું 17 ટકા છે. ડેટા દર્શાવે છે કે, જાન્યુઆરી 2020 થી માર્ચ 2022 સુધીના મોટાભાગના મહિનાઓમાં ભારતીય વડાપ્રધાન સૌથી લોકપ્રિય વૈશ્વિક નેતા રહ્યા છે. આ અપરુવલ રેટિંગ 9 થી 15 માર્ચ 2020 દરમિયાન એકત્રિત કરવામાં આવેલા ડેટા પર આધારિત છે.
જો બાયડેન, જોહ્ન્સન અને ટ્રુડો સાથે શું ચાલી રહ્યું છે?
છેલ્લા બે વર્ષમાં 2 મે, 2020 ના રોજ, પીએમ મોદીનું એપ્રુવલ રેટિંગ 84 ટકાના ઉચ્ચ સ્તરે પહોંચ્યું હતું. દેશમાં કોરોનાવાયરસ ની બીજી લહેર દરમિયાન 7 મે 2021ના રોજ તેમનું અપ્રુવલ રેટિંગ 63 ટકા સાથે સૌથી ઓછું હતું. જોકે, પીએમ મોદીનું એપ્રુવલ રેટિંગ અન્ય વૈશ્વિક નેતાઓની સરખામણીમાં પ્રમાણમાં ઊંચું રહ્યું છે. કેનેડાના પીએમ જસ્ટિન ટ્રુડો અને યુએસ પ્રમુખ જો બિડેનને અનુક્રમે 42 ટકા અને 41 ટકાના એપ્રુવલ રેટિંગ મળ્યા છે. આ રીતે બંને નેતાઓ અનુક્રમે છઠ્ઠા અને સાતમા સ્થાને છે. બ્રિટિશ પીએમ બોરિસ જોન્સન 33 ટકા એપ્રુવલ રેટિંગ સાથે સર્વેમાં સૌથી નીચે છે.
અમેરિકી રાષ્ટ્રપતિ જો બિડેનનું એપ્રુવલ રેટિંગ તેમના પ્રમુખપદ દરમિયાન સૌથી નીચું થઈ ગયું છે. ગયા વર્ષે કોવિડ-19ના કારણે થયેલા મૃત્યુ અને અફઘાનિસ્તાન માંથી અમેરિકી સૈનિકોની ઉતાવળમાં પાછી ખેંચી લેવાના કારણે બિડેનની લોકપ્રિયતામાં ઘટાડો થવા લાગ્યો હતો. યુક્રેનની કટોકટી અને દેશમાં ચાલી રહેલી અન્ય સમસ્યાઓના કારણે આગામી દિવસોમાં બિડેનની મંજૂરીનું રેટિંગ વધુ ઘટી શકે છે. મોર્નિંગ કન્સલ્ટ મુજબ, સર્વેક્ષણ 1 થી 3 ટકા વચ્ચેની ભૂલના માર્જિન સાથે, આપેલ દેશના તમામ પુખ્ત વયના લોકોની સાત દિવસની મૂવિંગ એવરેજ પર આધારિત રીઅલ-ટાઇમ ડેટાને પ્રતિબિંબિત કરે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.