November 28, 2024
ડિરેક્ટોરેટ જનરલ ઓફ સિવિલ એવિએશન (DGCA) એ ભારતીય એરલાઇન્સના બોઇંગ 737 કાફલાને “વધારે દેખરેખ” પર મૂક્યું છે, કારણ કે સોમવારે ચાઇના ઇસ્ટર્ન એરલાઇન્સનું આવું એક વિમાન ક્રેશ થયું હતું, જેમાં 133 લોકો માર્યા ગયા છે. દક્ષિણ ચીન(South China)માં એક મોટું વિમાન દુર્ઘટનાગ્રસ્ત થયું છે. અહીં ચાઈના ઈસ્ટર્ન એરલાઈન્સનું એક વિમાન ગુઆંગસી ક્ષેત્રના પહાડોમાં ક્રેશ થયું છે.
મળતી માહિતી અનુસાર બોઇંગ 737 વિમાને(Boeing 737 aircraft) 133 મુસાફરો(Passengers) સાથે કુનમિંગ(Kunming)થી ગુઆંગઝુ માટે ઉડાન ભરી હતી. આ તમામ 133 લોકોના મોત થયા હોવાનું જાહેર કરવામાં આવ્યું છે. DGCA ચીફ અરુણ કુમારે આ જાણકારી આપી છે. ત્રણ ભારતીય એરલાઇન્સ – સ્પાઇસજેટ, વિસ્તારા અને એર ઇન્ડિયા એક્સપ્રેસ – તેમના કાફલામાં બોઇંગ 737 એરક્રાફ્ટ છે.
બોઇંગ 737 માં સવાર તમામ લોકોના મોત
સોમવારના અકસ્માત પછી ડીજીસીએ શું પગલાં લઈ રહ્યું છે તે અંગે પૂછવામાં આવતા કુમારે પીટીઆઈને કહ્યું, “ફ્લાઇટ સલામતી એક ગંભીર બાબત છે અને અમે પરિસ્થિતિનો નજીકથી અભ્યાસ કરી રહ્યા છીએ. આ દરમિયાન, અમે અમારા 737 કાફલાની દેખરેખ વધારવા પર ધ્યાન કેન્દ્રિત કરી રહ્યા છીએ.”
Trending News
ચાઇના ઇસ્ટર્ન એરલાઇન્સનું બોઇંગ 737-800 પ્લેન તેંગ્સિયન કાઉન્ટીના વુઝોઉ શહેરમાં ક્રેશ થયું હતું, જેના કારણે આસપાસના પર્વતીય વિસ્તારમાં આગ લાગી હતી. પ્લેન કુનમિંગથી ગુઆનઝોઉ જઈ રહ્યું હતું. આ દુર્ઘટનામાં 123 મુસાફરો અને નવ ક્રૂ મેમ્બરના મોત થયા છે. ચાઇના ઇસ્ટર્ન એરલાઇન્સ- ચીનની ત્રણ મોટી એરલાઇન્સમાંની એક- સોમવારે ક્રેશ થયા પછી તેના તમામ બોઇંગ 737-800 એરક્રાફ્ટને ગ્રાઉન્ડ કરી દીધા છે. સત્તાવાર મીડિયાના સમાચાર અનુસાર, વિમાનમાં સવાર 132 લોકોમાંથી કોઈ પણ વિદેશી નહોતું.
ભારતમાં માર્ચ 2019 માં બોઇંગ 737 MAX એરક્રાફ્ટ પર પ્રતિબંધ મૂકવામાં આવ્યો હતો
બોઇંગ 737 MAX એરક્રાફ્ટ એ બોઇંગ 737-800 નું સુધારેલું સંસ્કરણ છે અને બંને 737 શ્રેણીના છે. યુએસ સ્થિત એરક્રાફ્ટ નિર્માતા બોઇંગે આ બાબતે નિવેદન માટે પીટીઆઈની વિનંતીનો જવાબ આપ્યો ન હતો. ઑક્ટોબર 2018 અને માર્ચ 2019 વચ્ચેના છ મહિનાના સમયગાળામાં, બે બોઇંગ 737 MAX પ્લેન ક્રેશમાં સામેલ હતા. જેમાં કુલ 346 લોકો માર્યા ગયા હતા. આ બે અકસ્માતોને પગલે, DGCA એ માર્ચ 2019 માં ભારતમાં બોઇંગ 737 MAX એરક્રાફ્ટ પર પ્રતિબંધ મૂક્યો હતો.
બોઇંગ દ્વારા ડીજીસીએના સંતુષ્ટિ માટે સોફ્ટવેરમાં જરૂરી સુધારા કર્યા બાદ 27 મહિના બાદ ગયા વર્ષે ઓગસ્ટમાં એરક્રાફ્ટના કોમર્શિયલ ઓપરેશન પરનો પ્રતિબંધ ઉઠાવી લેવામાં આવ્યો હતો. સ્પાઈસજેટ, વિસ્તાર અને એર ઈન્ડિયા એક્સપ્રેસે તેમના 737 એરક્રાફ્ટને દેખરેખ હેઠળ રાખવાના ડીજીસીએના નિર્ણય પર નિવેદન માટે પીટીઆઈની વિનંતીનો જવાબ આપ્યો ન હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.