November 28, 2024
ભારતે રશિયા પાસેથી ક્રૂડ ઓઈલ ખરીદવાનું શરૂ કર્યું છે, જે બાદ અમેરિકા તેનો જોરદાર વિરોધ કરી રહ્યું છે. અમેરિકાનો તર્ક એ છે કે જો ભારત રશિયા પાસેથી ક્રૂડ ઓઈલ ખરીદશે તો તે અમેરિકા પાસેથી ઓછુ તેલ ખરીદશે. વિદેશ મંત્રી એસ જયશંકરે કહ્યું છે કે અમે રશિયા પાસેથી એક મહિનામાં જેટલું ક્રૂડ ઓઈલ ખરીદીએ છીએ, એટલું યુરોપ એક દિવસમાં બપોર સુધીમાં ખરીદે છે. તમને જણાવી દઈએ કે માર્ચમાં યુરોપે રશિયા પાસેથી લગભગ 15 ટકા તેલ અને ગેસની આયાત કરી હતી.
2+2 મંત્રણા પછી પ્રેસ કોન્ફરન્સ દરમિયાન જ્યારે ભારતીય વિદેશ મંત્રીને રશિયા પાસેથી ભારતની તેલ ખરીદી વિશે પૂછવામાં આવ્યું ત્યારે તેમણે કહ્યું, ‘જો તમે રશિયા પાસેથી ભારતની ઉર્જા ખરીદી વિશે વાત કરવા માંગો છો, તો હું તમને યુરોપ પર ધ્યાન કેન્દ્રિત કરવાનું સૂચન કરું છું. અમે ત્યાંથી અમારી ક્રુડ ઓઈલ સિક્યુરીટી માટે જરૂરી રિસોર્સ ખુબ ઓછી માત્રામાં આયાત કરીએ છીએ. પરંતુ તમે આંકડાઓ જુઓ તો ખ્યાલ આવે કે અમે એક મહિનામાં રશિયા પાસેથી ખરીદતા નથી એટલું તો યુરોપ એક દિવસમાં તેલ ખરીદે છે.
અમેરિકી વિદેશ મંત્રી એન્ટની બ્લિંકન સમક્ષ બોલતા જયશંકરે કહ્યું કે અમે રશિયા-યુક્રેન સંઘર્ષની વિરુદ્ધ છીએ. તેમણે કહ્યું, ‘અમે હિંસાનો તાત્કાલિક અંત લાવવાના પક્ષમાં છીએ અને આ ક્રમમાં તમામ પ્રકારનો સહયોગ આપવા તૈયાર છીએ. અમે ઇચ્છીએ છીએ કે આ મુદ્દાને કૂટનીતિ દ્વારા ઉકેલવામાં આવે. હિંસા તાત્કાલિક બંધ થવી જોઈએ. યુએસ સેક્રેટરી ઑફ સ્ટેટ એન્ટની બ્લિંકને નિર્દેશ કર્યો તેમ, અમે અમારી સંસદ અને અન્ય મંચોમાં આ સંઘર્ષ વિશે અનેક નિવેદનો આપ્યા છે જે અમારૂ સ્ટેન્ડ દર્શાવે છે.
Trending News
If you’re looking at(India’s)energy purchases from Russia, I’d suggest your attention should be on Europe. We buy some energy necessary for our energy security. But I suspect, looking at figures, our purchases for the month would be less than what Europe does in an afternoon: EAM pic.twitter.com/lyzwttCvtM
— ANI (@ANI) April 11, 2022
ગયા અઠવાડિયે, વ્હાઇટ હાઉસના પ્રેસ સચિવ જેન સાકીએ પણ એક મીડિયા બ્રીફિંગમાં કહ્યું હતું કે રશિયામાંથી ભારતની તેલની આયાત માત્ર 1-2 ટકા છે. રાષ્ટ્રપતિ કાર્યાલય તરફથી કહેવામાં આવ્યું હતું કે રશિયા પર દબાણ લાવવા માટે તેલની આયાત પર નિયંત્રણો લાદવાનો કોઈપણ દેશનો નિર્ણય વ્યક્તિગત નિર્ણય છે.
2+2 વાટાઘાટો દરમિયાન, બ્લિંકને પણ ભારપૂર્વક જણાવ્યું હતું કે યુક્રેન સંકટનો સામનો કેવી રીતે કરવો તે અંગે ભારતે પોતાના નિર્ણયો લેવા પડશે. “અમે સ્વતંત્રતા, નિખાલસતા, સાર્વભૌમત્વ જેવા મૂલ્યો વિતરણ કરીએ છીએ,” તેમણે કહ્યું. રશિયા સાથે ભારતના સંબંધો દાયકાઓથી ઉભા થયા છે. આ સંબંધો એવા સમયે વિકસિત થયા છે જ્યારે અમેરિકા ભારતનું ભાગીદાર બની શક્યું ન હતું. પરંતુ આજે આપણે ભારતના ભાગીદાર બનવા સક્ષમ અને ઈચ્છુક છીએ. તેણે આગળ કહ્યું, ‘અમે માનીએ છીએ… એ જરૂરી છે કે જે દેશોને રશિયાથી ફાયદો થઈ રહ્યો છે, તેઓ પુતિન પર યુદ્ધ ખતમ કરવા દબાણ કરે. આપણે સાથે આવીને એક અવાજમાં બોલવાની જરૂર છે.
‘ભારત વિરુદ્ધ અભિયાન ચલાવવામાં આવી રહ્યું છે’
યુક્રેન પર આક્રમણ છતાં ભારતે રશિયા પાસેથી તેલ આયાત કરવાનું ચાલુ રાખ્યું છે, જેના માટે અમેરિકા સહિત ઘણા દેશો ભારતની ટીકા કરી રહ્યા છે. થોડા સમય પહેલા એસ જયશંકરે પણ કહ્યું હતું કે તમામ યુરોપીયન દેશો રશિયા પાસેથી તેલ ખરીદી રહ્યા છે પરંતુ ભારતનું નામ જ લેવામાં આવી રહ્યું છે, ભારત વિરુદ્ધ અભિયાન ચલાવવામાં આવી રહ્યું છે.
તેણે કહ્યું હતું કે, ‘આ રસપ્રદ છે કારણ કે અમે છેલ્લા કેટલાક સમયથી જોઈ રહ્યા છીએ કે આ મુદ્દે ભારત વિરુદ્ધ અભિયાન ચલાવવામાં આવી રહ્યું છે. હું આજે એક અહેવાલ વાંચી રહ્યો હતો કે માર્ચમાં યુરોપે રશિયા પાસેથી પાછલા મહિના કરતાં 15 ટકા વધુ તેલ અને ગેસ ખરીદ્યો હતો.