November 18, 2024
દેશની સૌથી મોટી સરકારી બેંક સ્ટેટ બેંક ઓફ ઈન્ડિયા (SBI) એ તેના ગ્રાહકો માટે ચેતવણી જાહેર કરી છે. બેંક દ્વારા આપવામાં આવેલી આ ચેતવણી 45 કરોડ ગ્રાહકોને કોઈપણ પ્રકારની છેતરપિંડી(Fraud)થી બચાવવા માટે કરવામાં આવી છે. આ પહેલા પણ બેંક દ્વારા સમયાંતરે ગ્રાહકોને જાગૃત કરવામાં આવી રહ્યા છે. હવે બેંક વતી બે ફોન નંબર જારી કરીને કોલ રીસીવ ન કરવા માટે કહેવામાં આવ્યું છે.
બેંક કર્મચારી છીએ તેવું કહીને કરે છે છેતરપિંડી:
SBI વતી આ બે નંબરોથી છેતરપિંડી થવાની સંભાવના છે અને તમને નુકસાન થઈ શકે છે. આ દિવસોમાં છેતરપિંડીની ઘટનાઓ ઝડપથી વધી રહી છે. આને ધ્યાનમાં રાખીને, બેંક દ્વારા ગ્રાહકોને કોઈપણ ફિશિંગ કૌભાંડથી બચાવવા માટે આ ચેતવણી આપવામાં આવી છે. બેંક દ્વારા કહેવામાં આવ્યું હતું કે ઘણા મામલાઓમાં ટ્વીટ, એસએમએસ અને ઈ-મેલ દ્વારા ફિશિંગ કૌભાંડોની માહિતી સામે આવી છે. કૉલ કરવા પર, આ લોકો SBI કર્મચારી હોવાનો ઢોંગ કરીને ગ્રાહક સાથે છેતરપિંડી કરે છે.
આ બે નંબર પરથી કોલ આવે તો ઉપાડશો નહિ:
સ્ટેટ બેંક ઓફ ઈન્ડિયા (SBI)ને જે બે નંબરો પરથી ફોન રિસીવ ન થવા અંગે જણાવવામાં આવ્યું છે તે છે 8294710946 અને 7362951973. બેંક તરફથી કહેવામાં આવ્યું છે કે જો આ બે નંબર પરથી કોલ આવે છે તો રિસીવ કરવાની ભૂલ ન કરો.
Trending News
CID આસામે વાંધો વ્યક્ત કર્યો હતો:
અગાઉ CID આસામે SBI દ્વારા ઉલ્લેખિત બંને નંબરો સામે વાંધો ઉઠાવ્યો હતો. સીઆઈડી આસામે ટ્વિટ કરીને કહ્યું હતું કે, સ્ટેટ બેંકના ગ્રાહકોને બે નંબર 8294710946 અને 7362951973 પરથી કોલ આવી રહ્યા છે. આ નંબરો પરથી કોલ કરનાર ગ્રાહકને KYC અને મોબાઈલ પર મોકલવામાં આવેલી લિંક પર ક્લિક કરવાનું કહે છે.
બંને નંબર બેંક સાથે જોડાયેલા નથી:
બેંકે કહ્યું કે આ બંને નંબર સ્ટેટ બેંક ઓફ ઈન્ડિયા (SBI) સાથે કોઈપણ રીતે જોડાયેલા નથી. એસબીઆઈ વતી આસામ સીઆઈડીને રી-ટ્વીટ કરતી વખતે આ લખવામાં આવ્યું છે. ગ્રાહકના ટ્વીટના જવાબમાં સ્ટેટ બેંકે કહ્યું કે આઈટી સિક્યોરિટી આ બંને નંબરો સામે તાત્કાલિક કાર્યવાહી કરશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.